बैंकको बोनस तथा हकप्रद लिन चाहाने लगानीकर्ताले पुष १३ गतेसम्म बैंकको सेयर खरिद गरिसक्नुपर्नेछ । साधारण सभाले पारित गरेपछि बैंकले शेयरधनीलाई प्रस्तावित लाभांश वितरण गर्नेछ ।
बैंकले गत आर्थिक वर्षको असार मसान्तसम्ममा ४३ करोड ९४ लाख खुद नाफा आर्जन गरेको थियो । एक अर्ब ५८ करोेड चुक्ता पुँजी रहेको बैंकको बोनस वितरणपश्चात पूँजी एक अर्ब ९७ करोड रुपैयाँ पुग्नेछ ।
साथै बैकले २० प्रतिशत अर्थात पाँच बराबर एक कित्ता हकप्रद शेयर निश्काशन गर्न धितोपत्र बोर्डबाट अनुमति पाईसकेकाले त्यसलाई जारी गर्न पनि सेयरधनी दर्ता किताब बन्द गरेको हो । बैंकले ३१ करोड ६० लाख रुपैयाँ बराबरको ३१ लाख ६० हजार ६७२ कित्ता हकप्रद शेयर जारी गर्ने भएको छ ।
बोनस र हकप्रदपछि बैंकको चुक्ता पुँजी २ अर्ब २८ करोड रुपैयाँँ नाघ्नेछ ।
बैंकले चालु आर्थिक वर्षको पहिलो त्रैमासमा १३ करोड १ लाख रुपैयाँ खुद मुनाफा गरेको छ । यसअवधिमा शुन्य दशमलव ९८ प्रतिशत खराब कर्जा देखाएको बैंकको प्रतिशेयर आम्दानी वार्षिक ३२ दशमलव ९६ रुपैयाँ, मुल्य आम्दानीको अनुपात वार्षिक १९ दशमलव २४ गुणा, प्रतिशेयर नेटवर्थ १ सय ६२ दशमलव ९३ रुपैयाँ र तरलता अनुपात २३ दशमलव ६२ प्रतिशत रहेको छ ।
कैलाश विकास बैंकमा केही समय अघि मेट्रो डेभलपमेन्ट बैंक र नेपाल एक्सप्रेस फाईनान्स गाभिएका थिए ।