ढकाल आईएमई ग्रुप अन्तर्गतको विभिन्न संस्थाहरुमा प्रबन्ध संचालक रहेका छन् । त्यसैगरी काठमाण्डौं फन पार्क (चन्द्रागिरी हिल्स) लिमिटेड लगायत विभिन्न संस्थहरुमा संचालक छन ।
व्यवस्थापनमा स्नातकोत्तर उपाधी हांसिल गरेका ढकाल एक सफल उद्योगी तथा व्यवसायीको परिचय बनाएका छन् ।
अध्यक्ष अम्बिका प्रसाद पौडेलले एनबी इन्स्योरेन्स अध्यक्ष पदबाट राजिनामा दिएर अरुण फाइनान्स सम्हाल्न पुगेपछि अध्यक्षको पद खालि रहेको थियो ।
कम्पनीको केही हप्ता अगाडि सम्पन्न साधारणसभाले पूँजी वृद्धिका लागि १ बराबर १ कित्ताका दरले हकप्रद शेयर निष्काशन गर्ने प्रस्ताव पारित गरिसकेको छ । यसअघि ८० प्रतिशत हकप्रद बिक्री गरेको थियो ।
एनबी समुहले धरासायी बनाएको ईन्स्योरेन्सलाई आइएमई समूहले किनेर स्वस्थ संस्थाको रुपमा स्थापित गर्ने क्रममा पूँजी वृद्धिलाई पनि प्राथमिकतामा राखेको इन्स्योरेन्सले १५ करोडको पूँजी २७ करोड रुपैंया बनाइसकेको छ ।
व्यवशाय बिस्तार तथा समग्र बीमा बजारको विकासमा सक्रिय हुने लक्ष्य सहित अघि बढेको कम्पनीले शतप्रतिशत हकप्रद जारी गरे पछि चुक्ता पूँजी ५४ करोड रुपैंया पुर्याउनेछ ।