नेशनल हाईड्रोले आफ्नो १६, १७, १८ र १९ औं साधारणसभा सम्पन्न गर्दै कम्पनीमा अरु साझेदार भित्र्याउँदै कम्पनीलाई अगाडि बढाउने निर्णय गरेको हो । साधारण सभामा बोल्दै कम्पनीका अध्यक्ष कुमार पाण्डेले चार वर्षको यात्रा कठिन भएको भन्दै विगतका बदमासी सुधार गरेर अब नयाँ शिराबाट कम्पनीलाई अघि बढाउने र साझेदार भित्र्याउने बताए । उनले आगामी दुई महिना भित्रमा गत आर्थिक वर्षको साधारण सभा समेत गराउन पहल गर्ने भन्दै लगानीकर्तालाई कम्पनीप्रति सकरात्मक सोच राख्न आग्रह गरे ।
साधारणसभाले बक्यौता बर्षहरुको लेखापरीक्षण प्रतिबेदनहरु पारित गर्दै गत आर्थिक बर्षको लेखापरीक्षण गर्न लेखापरीक्षक नियुक्त गर्ने सामान्य प्रस्ताव पारित गरेको छ । त्यसै गरी बिशेष प्रस्तावमा कम्पनीलाई अन्य जलबिद्युत कम्पनीसँग मर्जमा लैजाने वा अरुलाई मर्ज गरेर ल्याउने, अपलेखन नभएका खर्चहरु अपलेखन गर्ने लगायतलाई पनि सर्वसम्मत पारित गरिएको छ । लेखापरीक्षण प्रतिबेदनहरुले बिगतका बर्षहरुमा कम्पनी ५६ करोडले जगेडा घाटामा गएको देखाएका छन् ।
अपलेखन भएका खर्च तथा विगतका अनियमितताका सम्बन्धमा सेयरधनीहरुले चरम असन्तुष्टि पोख्दै शिघ्र सुधारको माग गरेका छन् । ४५ लाख कित्ता सेयरको प्रोक्सी लिएर निर्मल प्रधानका छोरा निश्चल प्रधानले कम्पनीमा भएका भ्रष्टाचार तत्कालिन सञ्चालकबाट असुल गरी कम्पनीलाई स्वस्थ बनाउनु पर्ने माग गरेका थिए । उनको यो अभिव्यक्ति आउना साथ जीत बहादुर श्रेष्ठ समुहले केहीबेर साधारण सभामा हल्ला गरेको थियो । पछि बहुमत साधारण सेयरधनी प्रधानको पक्षमा उभिएपछि एनबी समुह पछि हटेको थियो ।
प्रधान बोल्दै गर्दा साधारण सभामा के भयो ? भिडियोमा हेर्नुहोस् ।
नेशनल हाइड्रोको साधारण सभामा एनबी समुह र प्रधान समुहका बिचमा किन घम्साघम्सी ?
एनबी समुहका तर्फबाट लक्ष्मी बहादुर श्रेष्ठले कम्पनीलाई सबल अनि स्वस्थ बनाउने विषय सकारात्मक भएको भन्दै कम्पनीलाई सुधारात्मक बाटोमा लैजान सबै विकल्पमा जानु पर्ने बताए । उनले कम्पनीलाई झण्डै एक करोड रुपैंया बराबरको सेयर फिर्ता गर्ने घोषणा गर्दै सो सम्बन्धि कागजात साधारण सभामा नै कम्पनीका अध्यक्षलाई हस्तान्तरण गरेका थिए ।
नेशनल हाइड्रोको साधारण सभामा एक करोडको सेयर फिर्ता गर्ने लक्ष्मीबहादुर श्रेष्ठको लिखित प्रतिबद्धता :
