गत असारमा विशेष साधारण सभा गरी एक बराबर एक कित्ता हकप्रद प्रस्ताव गरेको कम्पनी साधारण सभा भएको पाँच महिना पछि मात्र धितोपत्र बोर्डमा स्वीकृति माग गर्दै गएको छ । प्रस्तावित ३५ प्रतिशत बोनस सेयर तथा शतप्रतिशत हकप्रद निष्काशन पश्चात लघुवित्तको चुक्ता पूँजी चुक्ता पूँजी ६० करोड ६१ लाख रुपैंया पुग्नेछ । अहिले लघुवित्तको चुक्ता पूँजी २५ करोड ७९ लाख रुपैंया छ । कम्पनीले अघिल्लो आर्थिक बर्षमा पनि ५० प्रतिशत बोनस बाँडेकोे थियो ।
कृषि विकास बैंक, नेपाल बैंक, विकास आयोजना सेवा केन्द्र, नबिल बैंक, लुम्बिनी फाइनान्स एन्ड लिजिङ कम्पनी र बैंक तथा वित्तीय क्षेत्रका विशेषज्ञको प्रत्यक्ष लगानीमा महिला सशक्तिकरणमा केन्द्रित डिप्रोक्स लघुवित्तले ४७ जिल्लामा ८१ शाखाबाट लघुवित्त सेवा प्रदान गरिरहेको छ । चालु आर्थिक बर्षको असोज मसान्तसम्ममा छ करोड ९३ लाख रुपैंया खुद नाफा कमाएर लघुवित्तले प्रति शेयर आम्दानी २६.८९ रुपैयाँ कायम गरेको छ ।