कम्पनीको १६ औं बार्षिक साधारण सभाबाट पारित भए बमोजिम संस्थापक र सर्वसाधारण समुहको शेयर स्वामित्व ७०ः३० प्रतिशत कायम गर्न आवश्यक हुने ३० लाख ९६ हजार ४ सय २९ कित्ता थप साधारण शेयर निष्कासन गर्न नेपाल लाईफले बोर्डमा आवेदन गरेको थियो ।
नेपाल लाइफ इन्स्योरेन्सले यसअघि आफुखुशी एफपिओको मूल्य निर्धारण गरेर नेप्से मार्फत मूल्य सार्वजनिक गरेपछि धितोपत्र बोर्डले नेपाल लाइफको एफपिओ निष्कासन प्रक्रिया रोकेर मापदण्ड बनाएको थियो । त्यतिबेला नेपाल लाइफले एक सय रुपैयाँ अंकित शेयरमा २८ सय ५१ रुपैयाँ प्रिमियम थपेर २९ सय ५१ रुपैयाँमा एफपिओ जारी गर्न प्रस्ताव गरेको थियो ।
बोर्डले बनाएको कार्यबिधिमा एफपीओ जारी गर्न आवेदन दिदानै विभिन्न ४ वटा पक्षलाई प्राथमिकता दिनुपर्ने मापदण्ड तोकिएको छ । जसअनुसार पूँजीकृत भएको आम्दानी, प्रति शेयर खुद सम्पतीको मूल्य, १८० दिनको औसत बजार मूल्य, भविश्यमा प्राप्त हुने नगद प्रवाहको बर्तमान मूल्यलाई आधार मानेर एफपीओको मूल्य निर्धारण गर्ने व्यवस्था गरेको छ । बोर्डका अनुसार तोकिएका चार आधारहरुबाट उपलब्ध भएको मुल्यको सामान्य औसत गणना गरी निर्धारण गर्नुपर्ने छ । नेपाल लाईफको एफपीआको मूल्ये यही प्रक्रियाबाट निर्धारण भएको हो ।
नेपाल लाईफको चुक्ता पूँजी हाल दुई अर्ब १६ करोड रहेकोमा एफपीओ जारीपछि दुई अर्ब ४७ करोड नाघ्ने छ । उसले एफपीओ वापत संकलन गर्ने प्रिमियम जगेडा कोषमा जाने छ ।
नेपाल लाइफको धितोपत्र निष्कासन तथा बिक्री प्रवन्धकमा सिद्धार्थ क्यापिटल लिमिटेड रहेको छ ।
नेपाल लाईफका प्रमुख कार्यकारी बिबेक झाले धितोपत्र बोर्डबाट एफपीओ जारी गर्न अनुमति प्राप्त भएको पत्र आउने बित्तिकै संचालक समिति बैठक बसेर निश्काशनको मिति तय गर्ने जानकारी दिनुभयो ।
