नेप्सेले जनाए अनुसार नेपाल ईन्भेष्टमेन्ट बैंकले गत बर्षको खुद नाफाबाट एक करोड ४९ लाख १४ हजार २७ कित्ता बोनस सेयर सुचिकृत भएको हो । बैंकले गत बर्षको कमाईबाट लगानीकर्तालाई २० प्रतिशत बोनस सेयर र २१ प्रतिशत नगद लाभांश दिएको थियो ।
त्यस्तै नबिल बैंकले जारी गरेको एक करोड ४२ लाख ८९ हजार ३७४ कित्ता बोनस सेयर पनि नेप्सेमा सुचिकृत भएको छ । उसले लगानीकर्तालाई गत बर्षको नाफाबाट ३० प्रतिशत बोनस सेयर बाँडेको थियो ।
त्यसैगरी अपी पावरले जारी गरेको पाँच प्रतिशत बोनस सेयर अर्थात पाँच लाख कित्ता पनि नेप्सेमा सुचिकृत भएको छ ।
कन्ट्री डेभ्लपमेन्ट बैंकको दुई लाख ४१ हजार २८० कित्ता बोनस सेयर पनि सुचिकृत भएको छ ।
मिथिला लघुवित्तको एक लाख ७९ हजार ७४० कित्ता हकप्रद सेयर पनि नेप्सेमा सुचिकृत भएर बजारमा थपिएको छ ।
नेप्सेमा यसरी सुचिकृत भएका सेयरहरु सम्बन्धित लगानीकर्ताले आफ्नो हितग्राही खातामा प्राप्त गरेपछि बेचबिखन गर्न योग्य हुनेछ । बजारमा सेयर थपिएपछि माग र आपुर्तिमा सन्तुलन नमिल्दा मूल्यमा असर पर्ने गर्दछ ।