प्रस्तावीत लाभांस नेपाल राष्ट्र बैंकको स्वीकृतिपछि बैंकको आगामी साधारण सभाले अनुमोदन गरेपश्चात लगानीकर्तालाई वितरण हुनेछ ।
गरिमाको हाल चुक्ता पुँजी एक अर्ब आठ करोड रूपैयाँ छ । २० प्रतिशत बोनसपछि बैंकको एक अर्ब २९ करोड रुपैयाँ नाघ्नेछ ।
भरतपुरको चितवनमा केन्द्रीय कार्यालय रहेको शुभेच्छा विकास बैंक र पोखरामा केन्द्रीय कार्यालय रहेको गरिमा विकास बैंक एकआपसमा गाभिएर गरिमा विकास बैंक बनेको हो । बैंकले गत असोज ४ गतेदेखि एकिकृत कारोबार थालेको थियो ।
चालु आर्थिक वर्षको पहिलो त्रैमासमा गरिमाले चार करोड ६८ लाख दुई हजार रूपैयाँ खुद नाफा कमाएको छ । बैंकको प्रतिसेयर आम्दानी १७ रूपैयाँ ३३ पैसा छ भने प्रतिसेयर नेटवर्थ १४६ रूपैयाँ ८९ पैसा छ । बैंकको जगेडा कोषमा ५० करोड रुपैयाँ रहेको छ ।
