सनराइज बैंकले कतिमा किन्ने भयो एन.आई.डि.सि.क्यापिटल मार्केट्स ?

Jan 09, 2017 merolagani

सनराइज बैंक लिमिटेडले एनआईडीसी क्यापिटल मार्केट्स लिमिटेडलाई किन्ने प्रस्ताव विशेष साधारणसभाबाट पारित गराएको छ । केही महिनाअघि नारायणी नेशनल फाईनान्सलाई आफुमा मिलाएको सनराईजले सामुहिक लगानी कोष र धितोपत्र सम्बन्धी कारोबार गर्न सहज हुने गरी एनआईडीसीलाई किन्ने सम्झौता गरेको थियो ।

 

पौष २५ गते बोलाइएको बैंकको विशेष साधारण सभाबाट एन.आई.डि.सि.क्यापिटल मार्केट्स लिमिटेडलाई प्राप्ती (एक्विजिशन) गर्ने सम्बन्धी संचालक समितिको विशेष प्रस्ताव पारित गराएको हो । सनराईज बैंकले एन.आई.डि.सि.क्यापिटल मार्केटको प्रतिसय कित्ता बराबर सनराइज बैंकको ६५ कित्ता सेयर हुनेगरी खरिद गर्न लागेको हो । 

विशेष साधारण सभाबाट प्राप्ती (एक्विजिशन) प्रस्ताव पारित भईसकेकोले अन्तिम स्वीकृतीको लागि नेपाल राष्ट्र बैंकमा संयुक्त निवेदन पेश गर्ने बैंकले बताएको छ ।

एनआईडीसी क्यापिटल मार्केट्सले प्रारम्भ देखि एनसीएम. मर्चेण्ट बैंकिंग लि. स्थापना गरी सफलतापूर्वक मर्चेण्ट बैंकिंग कारोवार गर्दै आएकोे  छ । एनसीएम मर्चेण्ट बैंकिंग नेपालमा पहिलो पल्ट म्युचुअल फण्ड संचालन गर्ने संस्था हो ।

यस प्राप्ति पश्चात बैंकको पहुच तथा ब्यबसाय क्षमतामा ब्यापक बढोत्तरी हुनुका साथै मेचेण्ट बैंकिंगमा समेत सनराइज बैंकको उपस्थिति हुने आशा गरिएको छ ।

गत आर्थिक बर्षको मुनाफबाट ३३.३३ प्रतिशत वोनस वितरण गरेको बैंकको चुक्ता पुंजी झण्डै ५ अर्व
३० करोड रुपैयाँ पुर्याएको छ । एनआईडीसी. क्यापिटल मार्केट्स प्राप्ति पछि चुक्ता पुंजी  ५ अर्व ४५  करोड नाघ्नेछ ।

comments powered by Disqus

इन्भेष्टमेन्ट बैंकको १५ प्रतिशत बोनस सूचीकृत

Apr 26, 2018

नेपाल स्टक एक्सचेञ्जमा बिहीबार इन्भेष्टमेन्ट बैंक (NIB) को एक करोड ४० लाख ५२ हजार २०१ दशमलव ३५ कित्ता बोनस सूचीकृत भएको छ । बैंकले गत अार्थिक बर्षमा वितरण गरेकाे बाेनस सूचीकरण गराएकाे हाे ।