बैंकले पूँजी वृद्धिका लागि गत कात्तिक एक गतेदेखि मंसिर ५ गतेसम्म पचास प्रतिशत अर्थात १० लाख ५६ हजार कित्ता हकप्रद सेयर बिक्री गरेको थियो । हकप्रदमा नबिकेको सेयर बैंकले लिलामीमा राखेको हो ।
धरानमा मुख्य कार्यालय रहेको बैंकको शेयर निष्काशन तथा बिक्री प्रबन्धक प्रभु क्यापिटल रहेको छ ।
इच्छुक लगानीकर्ताले तोकिएको अवधिभित्र प्रभु क्यापिटल कमलादी तथा बैंकको मुख्य कार्यालय धरानमा आइपुग्नेगरी शिलबन्दी बोलपत्र पेश गर्नुपर्नेछ । बोलपत्र पेश गर्दा न्यूनतम सय कित्ता वा सो भन्दा बढी १० अंकले भाग जानेगरी अधिकतम सम्पूर्ण कित्ताका लागि आवेदन गर्न सकिने बैंकले जनाएको छ ।
२१ करोड १२ लाख ७४ हजार रुपैंया चुक्ता पूँजी रहेको बैंकको हकप्रद निष्काशन पश्चात चुक्ता पूँजी ३१ करोड ६८ लाख रुपैंयाँ पुगेको छ ।
बैंकले गत बर्षको मुनाफाबाट ३० प्रतिशत बोनस बाँडेको थियो । बोनस समेत जोड्दा बैंकको चुक्ता पूँजी ३८ करोड रुपैंया बढी हुनेछ ।
