मितेरी डेभलपमेण्ट बैंकको करिब ६० हजार कित्ता सेयरको लिलामी खुल्यो

Jan 10, 2017 merolagani

मितेरी डेभलपमेण्ट बैंक (MDB) ले करिब ६० हजार कित्ता सेयर लिलामीमा राखेको छ । बैंकले हकप्रदमा नबिकेको १७ हजार ४८९ कित्ता संस्थापक तथा ४२ हजार २५९ साधारणगरी ५९ हजार ७३८ कित्ता सेयर लिलामीमा राखेको हो । बैंकको लिलामीको सेयरमा पुष २६ गतेबाट माघ ४ गतेसम्म आवेदन गर्न पाइनेछ ।

बैंकले पूँजी वृद्धिका लागि गत कात्तिक एक गतेदेखि मंसिर ५ गतेसम्म पचास प्रतिशत अर्थात १० लाख ५६ हजार कित्ता हकप्रद सेयर बिक्री गरेको थियो । हकप्रदमा नबिकेको सेयर बैंकले लिलामीमा राखेको हो । 

धरानमा मुख्य कार्यालय रहेको बैंकको शेयर निष्काशन तथा बिक्री प्रबन्धक प्रभु क्यापिटल रहेको छ ।

इच्छुक लगानीकर्ताले तोकिएको अवधिभित्र प्रभु क्यापिटल कमलादी तथा बैंकको मुख्य कार्यालय धरानमा आइपुग्नेगरी शिलबन्दी बोलपत्र पेश गर्नुपर्नेछ । बोलपत्र पेश गर्दा न्यूनतम सय कित्ता वा सो भन्दा बढी १० अंकले भाग जानेगरी अधिकतम सम्पूर्ण कित्ताका लागि आवेदन गर्न सकिने बैंकले जनाएको छ ।

२१ करोड १२ लाख ७४ हजार रुपैंया चुक्ता पूँजी रहेको बैंकको हकप्रद निष्काशन पश्चात चुक्ता पूँजी ३१ करोड ६८ लाख रुपैंयाँ पुगेको छ ।

बैंकले गत बर्षको मुनाफाबाट ३० प्रतिशत बोनस बाँडेको थियो । बोनस समेत जोड्दा बैंकको चुक्ता पूँजी ३८ करोड रुपैंया बढी हुनेछ ।

comments powered by Disqus

जोशी हाइड्रोपावरको तीन लाख ७१ हजार कित्ता साधारण सेयर खुल्यो

May 22, 2018

जोशी हाइड्रोपावर डेभलपमेन्ट कम्पनी (JHDCL) ले जेठ ८ गते मंगलबारदेखि आयोजना प्रभावित क्षेत्रका स्थानीबासीका लागि साधारण सेयर खुला गरेको छ । कम्पनीले आयोजना प्रभावित क्षेत्र इलाम जिल्ला, इलाम नगरपालिका वडा नं १, ३ र ४ का बासिन्दाहरुको लागि तीन लाख ७१ हजार ४०० कित्ता प्राथमिक शेयर निष्काशन गरेको हो।