मुक्तिनाथ बैंकको सेयर कहिलेबाट आउने भयो लिलामीमा ?

Jan 10, 2017 merolagani

मुक्तिनाथ विकास बैंक लिमिटेडले संस्थापक र सर्बसाधारण गरी एक लाख १३ हजार छ सय ६० कित्ता सेयर लिलामी गर्ने भएको छ । बैंकले सो परिणामको सेयर बोलकबोल मार्फत माघ १२ गतेबाट बिक्री गर्ने भएको हो ।

बैंकले सर्वसाधारण समूहतर्फको एक लाख तीन हजार एक सय ६७ कित्ता र १० हजार चार सय ९३ कित्ता संस्थापक सेयर बोलकबोलमा बेच्न लागेको हो । बैंकले असोज २१ देखि कात्तिक २५ गतेसम्म हकप्रदमा बिक्री नभएको सेयर लिलामीमा बिक्री गर्न लागेको हो ।

ईच्छुक लगानीकर्ताले बोलकबोलमा माघ १९ गते कार्यालय समयभित्र आवेदन गर्न सक्नेछन् । लगानीकर्ताले कम्तिमा एक सय रुपैयाँ अंकित मूल्य तोकी त्यसभन्दा बढी अंकित मूल्य राखेर आवेदन गर्न सक्नेछन् ।

बोलकबोल मार्फत सेयर लिलामी गर्न बिक्री प्रबन्धक एनआइबीएल क्यापिटल तथा मुक्तिनाथ विकास बैंक,पृथ्विचोक,पोखराबाट आवेदन फारम लिन र बुझाउन सकिनेछ । विक्री प्रबन्धक एनआइबीएल क्यापिटलले बोलपत्र माघ २१ गते दिउँसो ३ बजे लाजिम्पाटमा खोल्नेछ ।

चालु आर्थिक बर्षको पहिलो त्रैमासिक वित्तिय विवरण अनुसार बैंकको चुक्ता पूजीँ ८३ करोड ८४ लाख ३२ हजार रहेको छ । त्यस्तै बैंकले ९ करोड ९७ लाख ६ हजार रुपैंयाँ खुद नाफा गरी प्रतिसेयर आम्दानी बार्षिक ३२.३३ रुपैयाँ कायम गरेको छ । बैंकको सेयर नेप्सेमा मंगलबार आठ सय रुपैयाँ हाराहारीमा कारोबार भैरहेको छ ।

नयाँ नेपाल लघुवित्तले प्रस्ताव गर्यो बोनस,बोनसपछि २५० प्रतिशत हकप्रद जारी गर्ने

Nov 24, 2017

नयाँ नेपाल लघुवित्त (NNLB) ले गत आर्थिक बर्षको नाफाबाट सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । साथै बोनसपछि कायम हुने पूँजीको २५० प्रतिशत हकप्रद जारी गरि गर्ने निर्णय समेत बैठकले गरेको छ ।