नेप्सेमा लगातार दोहोरो अंकको सुधार,कारोबारमा पनि बढोत्तरी

Jan 10, 2017 merolagani

नेपाल स्टक एक्सचेन्जमा लगातार दोहोरो अंकको सुधार देखिएको छ । सोमबार साढे एघार अंकले बढेको बजार मंगलबार झण्डै अठार अंकले बढेको छ भने कारोबार रकममा समेत बढोत्तरी आएको छ ।

बजार खुलेदेखिनै निरन्तर उकालो लागेको नेप्से १७.९३ अंकले बढेर १४७६.९० अंकमा पुगेको छ । अघिल्लो दिनको तुलनामा कारोबार रकम समेत एघार करोड बढीले बढेको छ । यसदिन सेयरबजारमा १२६ कम्पनीको ३७ करोड ३२ लाख रुपैयाँ बराबरको सेयरकिनबेच भएको छ ।

मंगलबारको कारोबारमा होटल र अन्य बाहेक सबै समूह उकालो लागेको छन । बीमा समुहको सूचक सबैभन्दा धेरै १६८ अंकले उकालो लागेको छ । वाणिज्य बैंक समूह १८ अंकले बढेको छ भने जलविद्युत पनि २० अकंले उकालो लागेको छ ।

यसदिन पनि महालक्ष्मी विकास बैंकका लगानीकर्ताले सबैभन्दा धेरै गुमाए । यो कम्पनीको सेयरमूल्य सात प्रतिशत बढीले घटेको छ । यस्तै पूर्णिमा विकास,माउण्ट मकालु, मिथिला लघुवित्त तथा राष्ट्रिय विमा कम्पनी लगातका कम्पनी धेरै गुमाउनेमा परे ।

यसदिन पनि एनबी इन्स्योरेन्स र कर्णाली डेभलपमेन्ट बैंकका सेयरधनीले दश प्रतिशतकै हारारीमा कमाएका छन् । अघिल्लो दिन पनि यी दुवै कम्पनीको सेयर मूल्य झण्डै १० प्रतिशतको दरले बढेको छ । पोखरा फाइनान्स, नेपाल ग्रामिण विकास बैंक, नेपाल इन्स्योरेन्स तथा ओमी माइक्रो लगायतका कम्पनी धेरै कमाउनेमा परे ।

यसदिन सबैभन्दा धेरै कारोबार गर्ने एनबि इन्स्योरेन्सको ४ करोड ७३ लाख बराबरको सेयर किनबेच भयो । नेपाल लाइफको पन ३ करोड ४१ लख बराबरको सेयर खरिदबिक्री भएको छ । यसदिन प्राइम बैंकको पनि कारोबार रकम दुई करोड नाघेको छ ।

 

नयाँ नेपाल लघुवित्तले प्रस्ताव गर्यो बोनस,बोनसपछि २५० प्रतिशत हकप्रद जारी गर्ने

Nov 24, 2017

नयाँ नेपाल लघुवित्त (NNLB) ले गत आर्थिक बर्षको नाफाबाट सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । साथै बोनसपछि कायम हुने पूँजीको २५० प्रतिशत हकप्रद जारी गरि गर्ने निर्णय समेत बैठकले गरेको छ ।