बैंकले सर्वसाधारण समूहतर्फको दुई लाख २९ हजार एक सय ४३ कित्ता र एक लाख २८ हजार नौं सय १६ कित्ता संस्थापक सेयर बोलकबोलमा बेच्न लागेको हो । बैंकले कात्तिक २३ गतेदेखि मंसिर २७ गतेसम्म हकप्रदमा बिक्री नभएको सेयर लिलामीमा बिक्री गर्न लागेको हो ।
ईच्छुक लगानीकर्ताले बोलकबोलमा माघ २० गते कार्यालय समयभित्र आवेदन गर्न सक्नेछन् । लगानीकर्ताले कम्तिमा एक सय रुपैयाँ अंकित मूल्य तोकी त्यसभन्दा बढी अंकित मूल्य राखेर आवेदन गर्न सक्नेछन् ।
बोलकबोल मार्फत सेयर लिलामी गर्न बिक्री प्रबन्धक एस क्यापिटल तथा त्रिवेणी विकास बैंक,ट्रेड टावर थापाथलीबाट आवेदन फारम लिन र बुझाउन सकिनेछ । विक्री प्रबन्धक एस क्यापिटलले बोलपत्र माघ २१ गते दिउँसो ३ बजे लालकोलनीमार्ग,लालदरबारमा खोल्ने जनाएको छ ।
