बिमा समितिका नयाँ अध्यक्षले बिमा कम्पनीहरुको संस्थागत सुशासनमा कडाई गर्ने संकेत

Jan 11, 2017 merolagani

तीर्थराज पौडेल

बीमा समितिका नव नियुक्त अध्यक्ष चिरञ्जीवि चापागाईले बिमा क्षेत्रको पहुँच बिस्तारमा आफुले ध्यान केन्द्रित गर्ने बताएका छन् । बुधबार औपचारिक रुपमा आफ्नो पदभार सम्हालेका चापागाईले बिमा कम्पनीहरुको संस्थागत सुशासन कायम गर्दै जनतामा बिमाको पहुँच बिस्तार गर्न समितिले ध्यान केन्द्रित गर्ने बताए ।

 

चापागाईलाई पुस १४ गते बसेको मन्त्रिपरिषद बैठकले बीमा समितिको अध्यक्ष नियुक्त गरेको थियो ।

बिमा समितिको कार्यालयमा आयोजित पदभार ग्रहण कार्यक्रममा चापागाईले ७० बर्षे समयमा बिमा पहुँच सात प्रतिशत मात्र रहनु दुखद पक्ष भएको बताए । बिमा पहुँच बृद्धि गर्ने कार्य विमक कम्पनीहरु मार्फत नै गर्नुपर्ने भन्दै कम्पनीहरुलाई ब्यवसाय बिस्तारका लागि सर्बसाधारणमा विश्वसनियता कायम गर्न उनले निर्देशन दिए ।

बिमा व्यवसायको ईजाजत झोलामा राख्न नदिएको भन्दै उनले ईजाजतको सही सदुपयोग नगरे नियामक निकाय चुप लागेर नबस्ने चेतावनी पनि दिए ।

बिमा क्षेत्रलाई ब्यवस्थित गर्न थप नयाँ कानुनी प्रबन्ध जरुरी भएकोमा उनको जोड छ । कुनैपनि क्षेत्र सफल हुन कानुनी पक्ष आवश्यक हुने, नियामक निकाय सशक्त हुनुपर्ने र कर्मचारीको क्षमता अभिबृद्धि गरिनुपर्ने उनको धारणा छ ।

यसअघि नेपाल राष्ट्र बैंकको पोखरा शाखाका प्रमुख चापागाईले बीमा समितिको चार बर्षे कार्यभार सम्हाले लगत्तै चापागाईले सरोकारवाला निकायहरुसँग छलफलबाटै अगाडि बढ्ने प्रतिबद्धता व्यक्त गरे । यसअघि उनले मंगलबारदेखि लागु हुनेगरी नेपाल राष्ट्र बैंकको सम्पुर्ण जिम्मेवारी छाडेका थिए ।

बाग्लुङमा जन्मिएका चापागाईले त्रिभुवन विश्वविद्यालयबाट एमबीए र पूर्वाञ्चाल विश्वविद्यालयबाट एक्जिक्यूटिभ एमबीए गरेका छन् । कार्यक्रममा बिमक संघ, नेपाल विमा सर्भेयर संघ,नेपाल पेसागत अभिकर्ता संघका प्रतिनिघिले विमाका चुनौति र अवस्थाका बारेमा नयाँ अध्यक्षलाई जानकारी गराएका थिए ।

नयाँ नेपाल लघुवित्तले प्रस्ताव गर्यो बोनस,बोनसपछि २५० प्रतिशत हकप्रद जारी गर्ने

Nov 24, 2017

नयाँ नेपाल लघुवित्त (NNLB) ले गत आर्थिक बर्षको नाफाबाट सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । साथै बोनसपछि कायम हुने पूँजीको २५० प्रतिशत हकप्रद जारी गरि गर्ने निर्णय समेत बैठकले गरेको छ ।