साविकको ग्रान्ड बैंक र प्रभु बैंक एक आपसमा गाभ्ने गाभिने कार्य सम्पन्न भई गत माघ २९ गतेदेखि प्रभु बैंक लिमिटेडको नामबाट एकीकृत कारोवार भएको थियो । मर्ज हुँदा ग्राण्डको ६५.५८ र प्रभुको १२१.४५ सेयर मिलान अनुपात ( स्वाप रेसियो ) कायम हुने निर्णय भएको थियो ।
नेप्सेमा प्रभुको सेयर नियमित कारोबार हुने भएपछि झण्डै दुई बर्षदेखि पीडित बनेका ग्राण्डका लगानीकर्ता पनि लाभान्वित हुने भएका छन् ।
गत असोज १७ र १८ गते राष्ट्र बैकले प्रभु बैंकतर्फको मात्र सेयर कारोबार फुकुवा गराउँदा दुई दिन सेयर किनबेच भएको थियो । त्यतिबेला प्रभुको सेयर मूल्य १० प्रतिशतले बढेको थियो ।
चालु आर्थिक बर्षको पहिलो त्रैमासमा २८ करोड रुपैयाँ खुद नाफा कमाएको प्रभुको चुक्ता पूँजी पाँच अर्ब ८८ करोड छ ।
प्रभुले चुक्ता पूँजी आठ अर्ब बनाउन ४० प्रतिशत हकप्रद जारी गर्ने भएको छ । बैंकले १५ औं बार्षिक साधारणसभाबाट हकप्रदको प्रस्ताव पारित गरिसकेको छ ।
४० प्रतिशत हकप्रदपछि बैंकको पूँजी कोष सुधार हुनुका साथै चुक्ता पूँजी ८ अर्ब २३ करोड रुपैयाँ पुग्नेछ । ।
चालु आर्थिक बर्षको पहिलो त्रैमासिक बित्तीय बिबरण अनुसार प्रभुको पूँजी पर्याप्तता १०.५१ प्रतिशत छ भने निस्क्रिय कर्जा अनुपात ७.५४ प्रतिशत छ । राष्ट्रबैंकले बाणिज्य बैंकको निस्क्रिय कर्जा अनुपात ५ प्रतिशत तल र पूँजी कोष अनुपात ११ प्रतिशत माथि हुनुपर्ने गरी तोकेको छ ।