बैंकले यो बर्षमा गतबर्ष भन्दा एक करोड दुई लाख २५ हजार रुपैँयाले खुद नाफा बढाएको छ । गत आर्थिक बर्षको दोस्रो त्रैमासमा बैंकले २ करोड ३४ लाख ७४ हजार रुपैया नाफा कमाएको थियो ।
२६ करोड ४५ लाख रुपैयाँ चुक्ता पूँजी रहेको कम्पनीले पहिलो त्रैमासको तुलनामा दुई रुपैयाँ ७४ पैसा बढाएर प्रति सेयर आम्दानी २५ रुपैयाँ ४८ पैसा कायम गरेको छ । गत बर्षको यहि अवधिमा बैंकको प्रतिसेयर आम्दानी २० रुपैँया ४१ पैसा रहेको थियो ।
दोस्रो त्रैमासिक विवरणमा बैकको प्रति सेयर नेटवर्थ १२८ रुपैयाँ ७० पैसा रहेको छ भने जगेडा कोषमा ७ करोड ५९ हजार १३ लाख रुपैयाँ सञ्चित रहेको छ । बैंकको निस्क्रिय कर्जा अनुपात सुन्य रहेको छ । नेपाल राष्ट्र बैंकले थोक कर्जा प्रबाह गर्ने लघुबित्तहरुको चुक्ता पूँजी ६० करोड पुर्याउन निर्देशन गरेकाले पूँजी बृद्धिको चापमा यो बैंक पनि परेको छ ।
बैंकले गत आर्थिक वर्षको कमाईबाट लगानीकर्तालाई १५ प्रतिशत प्रदान गरेको छ । बैंकले चुक्ता पूँजी ६० करोड पुर्याउन ५० प्रतिशत हकप्रद निष्काशन गर्ने भएको छ । ५० प्रतिशत हकप्रद जारी गरेपछि चालु आर्थिक वर्षमा नै ३९ करोड रुपैयाँ चुक्तापूँजी पुग्नेछ । त्यसपछि बैंकले चालु आर्थिक बर्षमा १५ प्रतिशत बोनश र अर्को बर्ष फेरी पचास प्रतिशत हकप्रद जारी गरेर ६८ करोड पूँजी पुर्याउने बैंकको योजना छ ।