सम्झौतामा सेयर निष्कासन तथा बिक्री प्रबन्धकको तर्फबाट कोषका कार्यकारी निर्देशक रामकृष्ण पोखरेल र सान्जेनका तर्फबाट प्रमुख कार्यकारी अधिकृत किरणकुमार श्रेष्ठले हस्ताक्षर गरे ।
कम्पनीले पहिलो चरणमा प्रतिकित्ता एक सयको दरले ८७ लाख ६० हजार कित्ता सेयर निस्कासन गर्ने सम्झौता भएको कोषका सूचना अधिकृत उद्धव सिलवाले जानकारी दिए । सम्झौता अनुसार पहिलो चरणमा समूह ‘ग’ का ऋणदाता कर्मचारीको लागि छुट्टयाइएको १ प्रतिशत तथा संस्थापक सेयरधनी संस्थाका कर्मचारीको लागि ३ दशमलव ५ प्रतिशत र ‘घ’ अन्तर्गतका कर्मचारी सञ्चय कोषमा रकम जम्मा गरेका संचयकर्ता कर्मचारीलाई छुट्टयाइएको १९ दशमलव ५ प्रतिसत सेयर निष्कासन हुनेछ ।
रसुवामा अवस्थित सान्जेन जलविद्युतले १४.८ मेघावाट जलविद्युत उत्पादन गर्नेछ ।
कार्यक्रममा कोषका तर्फबाट मुख्य व्यवस्थापक सुशीलकुमार अर्याल, सेयर शाखा प्रमुख तथा उपव्यवस्थापक रोशनजंग कार्की, कानुन अधिकृत सुमन पौडेल तथा दिपेन्द्रसिंह अधिकारी र सान्जेनको तर्फबाट प्रमुख वित्त अधिकृत सशान्त बास्तोला लगायतका प्रतिनिधि सहभागी रहेका थिए ।
