यसअवधिमा बैंकले २९ करोड ८९ लाख सञ्चालन मुनाफा गरेको छ । बैंकको कर्जा निक्षेप अनुपात ७७.६७ प्रतिशत रहेको छ भने निक्षेप तरलता अनुपात २३.१३ प्रतिशत रहेको छ ।
बैंकले मनास्लु विकास बैंक लिमिटेडसंग मर्जरमा जानको लागि सैदान्तिक सहमति प्राप्त भईसकेको छ भने आस्वा प्रणालीको लागि पनि स्वीकृती प्राप्त गरिसकेको बैंकका नायव प्रमुख कार्यकारी अधिकृत बुद्धि मल्लले मेरोलगानीलाई जानकारी दिए ।
हाल बैंकको एक अर्ब ५ करोड चुक्तापुँजी रहेको छ । गत आर्थिक बर्षको कमाईबाट २९.२ प्रतिशत बोनस बाड्ने प्रस्ताव गरेको बैंकको बोनसपछि पूँजी एक अर्ब ३६ करोड रुपैयाँ पुग्नेछ ।
पोखरामा केन्द्रीय कार्यालय रहेको ओम डेभलपमेन्ट बैंक गोर्खा जिल्लामा मुख्य कार्यालय रहेको मनास्लु बिकास बैंकसँग मर्जरको प्रक्रियामा रहको छ । मनास्लुको चुक्ता पूँजी १८ करोड रुपैयाँ रहेको छ । मनास्लुले पनि १९ प्रतिशत बोनस प्रस्ताव गरेको छ ।
साथै बैंकले ओम डेभलपमेन्ट बैंक र मनास्लु गाभिएपछि ३० प्रतिशत हकप्रद सेयर जारी गर्ने प्रस्ताव पनि साधारणसभाबाट पारित गरेको छ । चालु आर्थिक बर्षको कमाईबाट दिईने बोनसबाट चुक्तापूँजी २ अर्ब ५० करोड पुर्याउने योजना बैंकको छ ।