हाइड्रोले आफ्नो कम्पनीको कार्यलय सहित अन्य तीन वित्तीय संस्थाबाट स्थानीयको आवेदन संकलन गर्ने व्यवस्था मिलाएको छ । ग्लोबल आईएमई क्यापिटल शेयर निष्काशन तथा बिक्रि प्रबन्धक रहेको कम्पनीले निष्काशन गरेको सेयरका लागि लगानीकर्ताले छिटोमा माघ पाँच गतेसम्ममा आवेदन दिनु पर्ने हुन्छ ।
कम्पनीका अनुसार आयोजनाबाट अति प्रभावित तथा प्रभावित लमजुङका फलेनी, बसन्तपुर, ढडेनी, चिति, नौथर र बेंशीशहर नगरपालिकाका बासिन्दालाई ४० प्रतिशत, तथा अरु न्युन प्रभावित बासिन्दाहरुका लागि २० प्रतिशतका दरले सेयर बाँडफाँड गरिने छ ।
सेयरमा आवेदन गर्न लगानीकर्ताले फलेनी गाविसमा रहेको हाइड्रोको साइट कार्यालय, ग्लोबल आईएमई बैंक, बेंशिशहर, प्यासिफिक डेभलपमेण्ट बैंक, भोटेओडार र कैलाश विकास बैंक बेंशिशहरमा सम्पर्क राख्नु पर्ने हुन्छ ।
लमजुङकोे फलेनी र वन्सार गाविसको मध्य भागमा रहेको छन्दी खोलामा निर्माण सम्पन्न भएको २ मेगावाट क्षमताको जलविद्युत आयोजनाले नियमित विद्युत उत्पादन सुरु गरी केन्द्रिय प्रशारण लाइनबाट विद्युत बितरण गरिरहेको छ ।
कम्पनीका कार्यकारी सञ्चालक एलबी थापाका अनुसार आयोजना प्रभावितका लागि सेयर निष्काशन गरिसकेर सर्वसाधारणका लागि बाँकी रहेको चार लाख ५० हजार कित्ता सेयर निष्काशनको प्रकृया थालनी गरिनेछ ।
