त्रिबेणी बिकास बैंकले जनता बैंकसँगको मर्जलाई अन्तिम रुप दिन आगामी फागुन १ गते चितवनको नारायणगढमा बोलाएको साधारणसभामा मर्जपछि ६० प्रतिशत हकप्रद जारी गर्ने प्रस्ताव लगिने जनाएको छ ।
जनता बैंकको आन्तरिक समस्याले राष्ट्र बैंकले प्रस्ताबित बोनस स्वीकृत नगरेपछि जनता बैंक अफठेरो अबस्थाबाट गुज्रिएको छ । त्रिबेणी बिकास बेंकलाई गाभेपछि जनताको चुक्ता पुँजी पाँच अर्ब नकट्दा तीन अर्ब भन्दा बढी रकम कहाँबाट ल्याएर २०७४ असार मसान्तको बित्तीय बिबरणमा आठ अर्ब देखाउने भन्ने चिन्ता जनताका प्रबद्र्धकहरुलाई थपिएको छ । यसअघि जारी गरिएको ५० हकप्रदमा समेत जनताका प्रबद्र्धकहरुले पुरै पैसा हाल्न नसकेको अबस्थामा फेरि ६० प्रतिशत हकप्रद अर्को टाउको दुखाई बन्ने निश्चित छ ।
शत प्रतिशत स्वाप रेसियोमा गाभिएपछि दुबै बैंकको चुक्तापूँजी जोड्दा चार अर्ब ९० करोड हाराहारीमा पुग्नेछ ।
जनतामा नेकपा एमाले निकटका ब्यक्तिहरुको लगानी रहेको छ । एमाले निकटका ब्यक्तिहरुको बाहुल्यता रहेको टुरिजम डेभ्लपमेन्ट बैंकलाई मेगा बैंकले लगेपछि जनताले आफुमा मिलाउने संस्थाहरु नभएको बताईन्छ । जनताले टुरिजमलाई शतप्रतिशत स्वाप रेसियो दिने प्रस्ताव गरे पनि उसको प्रयास सफल हुन सकेन ।
उता एमाले निकटकै ब्यक्तिहरुको बाहुल्यता रहेको सिभिल र सेन्चुरी बैंकलाई पनि चुक्ता पूँजी आठ अर्ब पुर्याउन मुस्किल पर्ने देखिएको छ । सिभिलको खराब कर्जाको अबस्थामा सुधार नआए राष्ट्र बैंकको कारबाहीमा पर्ने संभावना बढ्ने हुँदा हकप्रद नै एकमात्र उपाय हुनसक्छ ।
