हाल बैंकको चुक्ता पूँजी २५ करोड ७९ लाख रुपैंया छ । बैंकले २५ लाख ७९ हजार २३८ कित्ता हकप्रद सेयर निष्कासन गर्र्नेछ । हकप्रद शेयर वितरण पश्चात कम्पनीको चुक्ता पूँजी ५१ करोड ५८ लाख रुपैयाँ नाघ्नेछ । बैंकले गतबर्षको मुनाफाबाट ३५ प्रतिशत बोनस बाँडेको थियो । बोनस समेत जोड्दा बैंकको पुँजी ६० करोड नाघ्नेछ ।
बैंकको सेयर निष्कासन तथा बिक्री प्रबन्धकमा नबिल इन्भेष्टमेन्ट बैकिंग लिमिटेड रहेको छ ।
डिप्रोक्स लघुवित्तमा कृषि विकास बैंक लिमिटेड, नेपाल बैंक लिमिटेड, विकास आयोजना सेवा केन्द्र, नबिल बैंक लिमिटेड, लुम्बिनी फाइनान्स एन्ड लिजिङ कम्पनी र बैंक तथा वित्तीय क्षेत्रका विशेषज्ञको प्रत्यक्ष लगानी र वित्तीय सेवा मार्फत महिला सशक्तिकरण सहित गरिबी निवारणको मुख्य उद्देश्यका साथ बैंकले ४७ जिल्लाका ८१ शाखाबाट लघुवित्त सेवा प्रदान गरिरहेको छ ।
चालु आर्थिक बर्षको असोज मसान्तसम्म बैंकले ६ करोड ९३ लाख खुद नाफा कमाएको थियो । बैंकको जगेडाकोषमा ५१ करोड रुपैयाँ रहेको छ ।