लघुवित्तको कम्पनीको निक्षेप संकलन, खुद ब्याज आम्दानी र सञ्चालन नाफामा उल्लेख्य वृद्धि देखिएको छ । लघुवित्तले आर्थिक बर्षको दोस्रो त्रैमासमा ११ करोड ५८ लाख रुपैँया खुद व्याज आम्दानी गरेको छ । गत आवमा भने ५ करोड ३९ लाख रुपैँया कमाएको थियो ।
कम्पनीको चुक्ता पूँजी गत बर्षभन्दा दुईगुणा बढेर २२ करोड रुपैँया पुगेको छ । त्यस्तै लघुवित्तले जगेडा कोषमा पनि उल्लेखनीय वृद्धि गरेको छ । कम्पनीको जगेडाकोष गत बर्ष यहि अवधिमा तीन करोड २९ लाख रुपैँया रहेकोमा ११ करोड ४३ लाख रुपैँया पुगेको छ ।
कम्पनीको दोस्रो त्रैमासिक वित्तिय विवरण अनुसार प्रति शेयर आम्दानी ४७ रुपैयाँ १६ पैसा, प्रतिसेयर नेटवर्थ १५१ रुपैँया ५७ पैसा रहेको छ । संस्थाले निस्क्रिय कर्जा सुन्य दशमलव ३४ प्रतिशतमा झरेको छ ।
यता धादिङमा मुख्य कार्यालय रहेको वोमी माईक्रोफाईनाइन्स (WOMI) ले चालु आर्थिक बर्षको दोस्रो त्रैमासिक अवधिमा चार लाखले वृद्धि गरी एक करोड रुपैँया नाफा कमाएको छ । गत बर्ष उसले ९६ लाख रुपैँया खुद नाफा कमाएको थियो ।
यस अवधिमा संस्थाले १८ करोड ४३ लाख निक्षेप संकलन गरि ५० करोड ४० लाख रुपैँयाको कर्जा लगानी गरेको छ । गत बर्ष उसले ९ करोड ६४ लाख निक्षेप र ४२ करोड ८८ लाख रुपैँयाको कर्जा परिचालन गरेको थियो । चालु आबको छ महिनाको अवधिमा संस्थाले दुई करोड ८६ लाख रुपैँया खुद व्याज आम्दानी गरेको छ भने १५ करोड ७६ लाख रुपैँया सञ्चालन नाफा गरेको छ ।
लघुवित्तको गत आर्थिक बर्षमा तीन करोड ६० लाख रुपैँया चुक्ता पूँजी रहेकोमा यो बर्षमा बढेर छ करोड ४८ लाख रुपैँया पुगेको छ । । संस्थाको जगेडा कोषमा दुई करोड ७९ लाख रुपैँया सञ्चित रहेको छ ।
त्यस्तै, चालु आर्थिक बर्षको छ महिना अवधिमा लघुवित्तको प्रतिसेयर आम्दानी ३७ रुपैँया १५ पैसा,प्रतिसेयर नेटवर्थ एक सय ७१ रुपैँया ७० पैसा, र मूल्य आम्दानी अनुपात ३७.०७ गुणा पुगेको छ । संस्थाको यस अवधिमा गत बर्ष खराब कर्जा ०.९५ प्रतिशत रहेकोमा यो बर्षमा बढेर एक दशमलव ७५ प्रतिशतमा बढ्न पुगेको छ ।
