यो बैंकले यस अवधिमा ८४ अर्ब १२ करोड रुपैयाँ निक्षेप संकलन गरी ७१ अर्ब ५१ करोड रुपैयाँ कजा प्रवाह गरेको छ । बैंकले १८ अर्ब ११ करोड रुपैयाँ लगानी गरेको छ । यस अवधिमा बैंकले खुद ब्याज आम्दानी २७.५६ प्रतिशतले बढाएर एक अर्ब ६८ करोड ९७ लाख कमाएको छ भने कुल सञ्चालन नाफामा समेत २४.८५ प्रतिशतले बृद्धि गरी दुई अर्ब २९ करोड ४९ लाख रुपैँया कमाएको छ । बैंकले पौष मसान्त सम्ममा १९ करोड ५० लाख रुपैँयाको राईट ब्याक गर्न सफल भएको छ ।
सात अर्ब १५ करोड रुपैयाँ चुक्ता पूँजी रहेको बैंकको जगेडा कोषमा दुई अर्ब ४६ करोड रुपैँयाको मौजात रहेको छ । गतबर्ष बैंकको पूँजी र जगेडाकोष क्रमश : छ अर्ब १६ करोड ४२ लाख रुपँया र एक अर्ब ९२ करोड १९ लाख रुपैँया रहेको थियो ।
बैंकले खराव कर्जा अनुपातलाई एक दशमलव ६१ प्रतिशतमा झारेको छ । प्रति सेयर आम्दानी २५ रुपैयाँ ३५ पैसा रहेको बैंकको प्रतिसेयर नेटवर्थ एक सय ३४ रुपैँया ४२ पैसा तथा कर्जा निक्षेप अनुपात ७८ दशमलव ४७ प्रतिशत रहेको छ । बैंकको सेयर धितोपत्र बजारको दोस्रो बजारमा तीन सय ९४ रुपैँया हाराहारीमा कारोबार भइरहेको छ ।
उसले गत बर्षको खुद नाफाबाट १६ प्रतिशत बोनस दिने घोषणा गरे पनि त्यो बितरण हुने हो कि हैन भन्ने कुरा अझै स्पष्ट हुन सकेको छैन ।
