ब्याज आम्दानी र सञ्चालन नाफा बढेपछि फाईनाइन्सले खुद नाफामा छलाङ मारेको हो । यस अवधिमा उसले खुद ब्याज आम्दानी अघिल्लो बर्षभन्दा ४९ प्रतिशतले बढाएर १० करोड ९१ लाख रुपैँया आर्जन गरेको छ । फाइनान्सको कुल सञ्चालन नाफा बढेर १७१.६२ प्रतिशतले बढि पाँच करोड ५५ लाख रुपैँया पुगेको छ ।
फाईनान्सले गत आर्थिक बर्षको खुद नाफाबाट लगानीकर्तालाई १० प्रतिशत बोनस शेयर दिएर चुक्ता पूँजी ३४ करोड १८ लाख पुर्याएको छ । गत आर्थिक बर्षमा चुक्ता पूँजी ३१ करोड ७ लाख रहेको थियो । फाईनान्सको जगेडा कोषमा गत बर्ष ११ करोड २७ लाख रुपैयाँ रहेकोमा बढेर १७ करोड ५३ लाख पुगेको छ । जगेडा कोष गतबर्ष भन्दा ५५.५५ प्रतिशतले बढेको हो ।
गत आर्थिक बर्षको दोस्रो त्रैमासमा ५.१७ प्रतिशत रहेको फाईनान्सको निस्क्रिय कर्जा चालु आर्थिक बर्षको पहिलो त्रैमासमा बढेर ७.३४ प्रतिशतमा पुगेपनि दोस्रो त्रैमासमा फेरि ५.८३ प्रतिशतमा आएको छ । फाईनान्सको प्रति शेयर आम्दानी १३.२१ रुपैयाँ, प्रतिसेयर नेटवर्थ १५१.३० रुपैँया तथा मूल्य आम्दानी अनुपात १८.६२ गुणा रहेको छ ।