लक्ष्मीले गत बर्षको दोस्रो त्रैमासको तुलनामा खुद नाफा बढाउनुलाई राम्रो मान्नुपर्ने कुरा एकातिर छ भने बिगतका बर्षहरुको बक्यौता बोनस र हकप्रद सेयर बिक्रीपछि उसको प्रति सेयर आम्दानी कसरी सन्तुलित हुनसक्छ भन्ने कुरा झन् गंभीर छ । ब्याज आम्दानी बढाएको बैंकले खर्चहरु नियन्त्रण गर्नुपर्ने आबश्यकता देखिएको छ ।
नोटः रकमलाई करोडमा देखाईएको छ । यसअघिको तुलनात्मक चार्टमा लक्ष्मी समूहको बिबरण पर्न गई अन्यथा भएकोले सच्याईएको छ -सम्पादक ।
विगत बर्षहरुमा बितरण गर्नुपर्ने बोनस लगानीकर्तालाई नबाड्दा चुक्ता पूँजी भन्दा जगेडा कोषमा धेरै रकम थुप्रिएको देखिन्छ, जुन सकारात्मक पक्ष हो । ३८ प्रतिशत बोनस प्रस्ताव गरेको बैंकले हकप्रदलाई समेत समायोजन गरेर बितरण गर्ने जनाएको छ । प्रोफेसनल दियालो विकास बैंकलाई एक्वायर गरिसकेको अबस्थामा यसपश्चात जारी गर्ने शतप्रतिशत हकप्रद समेतलाई समायोजन गर्दा बोनस १८.२९ प्रतिशत हुने स्पष्ट पारेको छ । प्रोफेसनल दियालोलाई लक्ष्मीले ५० प्रतिशत स्वापमा आफुमा समाहित गरेको हो ।
निक्षेप संकलनको तुलनामा कर्जा बिस्तार धेरै गर्दा उसको सीसीडी अनुपात खुम्चिएको छ ।
प्राफेसनल दियालो बिकास बैंकलाई आफुमा समाहित गरेकोमा त्यसको परिणाम तेस्रो त्रैमासमा मात्रै आउने छ । त्यो सँगै लक्ष्मीका लगानीकर्ताले हकप्रदको सास्ती ब्यहोर्दै चुक्ता पूँजी बृद्धिका लागि लगानी जुटाउन कसरी मेहनत गर्छन हेर्नुपर्ने भएको छ ।