लघुवित्तले फागुन २३ गते सोमबार १५ औं बार्षिक साधारणसभा आह्वान गरेको छ । चितवनको भरतमारस्थित गार्डेन रिर्सोटमा बोलाइएको साधारण सभा प्रयोजनका लागि लघुवित्तले फागुन दुई गते बुकक्लोज गर्ने निर्णय गरेको छ । लघुवित्तले केही समय अघि धितोपत्र बोर्डबाट हकप्रद निष्काशनको अनुमति पाएकोमा उक्त हकप्रदका लागि पनि सोही दिन बुकक्लोज गर्ने निर्णय गरेको हो । डिप्रोक्सको बोनस तथा हकप्रद सुरक्षित गर्न चाहने लगानीकर्ताले फागुन एक गतेसम्ममा लघुवित्तको सेयर खिरिद गर्नु पर्ने हुन्छ ।
अहिले लघुवित्तको चुक्ता पूँजी २५ करोड ७९ लाख रुपैंया छ । बोनस शेयर बितरण पश्चात लघुवित्तको चुक्ता पूँजी ३४ करोड ८१ लाख रुपैंया पुग्नेछ भने शतप्रतिशत हकप्रद निष्काशन पश्चात चुक्ता पूँजी ६० करोड ६१ लाख रुपैंया पुग्नेछ ।
नबिल बैंक, कृषि विकास बैंक, नेपाल बैंक, विकास आयोजना सेवा केन्द्र, लुम्बिनी फाईनान्स एण्ड लिजिङ्ग कम्पनी लगायतका बैंक तथा वित्तीय क्षेत्रका बिशेषज्ञहरुको प्रत्यक्ष लगानी र वित्तीय सेवा मार्फत महिला सशक्तिकरण तथा गरिवी निवारणको मुख्य उद्देश्यका साथ लघुवित्तले ३६ जिल्लाका ६८ शाखाहरु मार्फत लघुवित्त सेवा प्रदान गर्दै आएको छ ।