उसको गत बषको दोस्रो त्रैमासमा भन्दा प्रतिशेयर आम्दानी घटेको छ । गत बर्ष यही अवधिमा प्रतिसेयर आम्दानी ४० रुपैयाँ ४१ पैसा रहेकोमा यो बर्ष ३९ रुपैयाँ ०७ पैसामा झरेको छ । बैंकले चुक्ता पूँजीमा भएको वृद्धिको अनुपातमा व्यवसाय बिस्तार गर्न नसकेकाले प्रतिशेयर आम्दानी घट्न पुगेको हो ।
समीक्षा अवधिमा बैंकको खुद नाफा वृद्धि भई ७५ करोड ८७ लाख रुपैयाँ पुगेको छ । बैंकले खुद ब्याज अम्दानीमा १७.१५ प्रतिशतले वृद्धि गरि एक अर्ब ४५ करोड १३ लाख रुपैँया आर्जन गरेको हो । बैंकको सञ्चालन नाफा पनि गत बर्ष ९२ करोड ७१ लाख रहेकोमा यो बर्ष २५.६२ प्रतिशतले बढेको छ ।
बैंकले चुक्ता पुँजीमा ८२ करोड ५६ लाख रुपैयाँ वृद्धि गरी ३ अर्ब ८८ करोड रुपैयाँ पुर्याएको छ । बैंकको जगेडा कोषमा ३ अर्ब ८५ करोड रुपैयाँको संचित छ । छ महिना अवधिमाच बैंकले ७७ अर्ब ५९ करोड ९३ लाख निक्षेप संकलन गरी ५९ अर्ब ७७ करोड २३ लाख रुपैँया कर्जा परिचालन गरेको देखिन्छ ।
बैंकले खराब कर्जा अनुपातलाई समिक्षा अवधिमा ०.१७ बाट घटेर ०.१२ प्रतिशतमा झारेको छ । सानिमा बैंकपछि निस्क्रिय कर्जा कम हुने बैंक एसबीआई नै भएको छ । बैंकको प्रतिसेयर नेटवर्थ १९९.२० पैसा,मूल्य आम्दानी अनुपात ३६.२९ गुणा रहेको छ ।
बैंकले गत आर्थिक बर्षको कमाईबाट २८ प्रतिशत बोनस घोषणा गरेको छ भने यही माघ २७ गते बोलाएको बार्षिक साधारणसभामा चालीस प्रतिशत हकप्रदको प्रस्ताव पनि लैजादै छ । पूँजी बढाए अनुसार खुद नाफापनि बढाउनु उसका लागि चुनौतिपूर्ण हुने देखिन्छ ।
