इन्स्योरेन्स कम्पनीले एक सय रुपैँया अंकित मूल्यका एक करोड ३२ लाख ४८ हजार ६३७ कित्ता हकप्रद निष्काशन गर्ने भएको हो । इन्स्योरेन्सको मंसिर २९ गते सम्पन्न २८ औ साधारणसभाले शेयरधनीलाई शतप्रतिशत हकप्रद निष्काशन सँगै ३० प्रतिशत बोनस गर्ने प्रस्ताब पारित गरेको थियो । शत प्रतिशत हकप्रदपछि उसको चुक्ता पूँजी दुई अर्ब ६४ करोड पुग्ने छ ।
जीवन बिमा क्षेत्रमा दोस्रो बरियतामा रहेको मानिने नेशनल लाईफ इन्स्योरेन्सको चालु आर्थिक बर्षको पहिलो त्रैमाससम्म जीबनबीमा कोष १५ अर्ब २४ करोड रुपैँया रहेको छ । कम्पनीको जगेडा कोषमा ५८ करोड ६ लाख रुपैँया सञ्चित रहेको छ ।