८४ करोड ८१ लाख रुपैँया चुक्ता पूँजी रहेको जलविद्युत्त कम्पनीसँग २ करोड ८४ लाख रुपैँयाको जगेडाकोष छ । जलविद्युत्त कम्पनीको पूँजी सात करोड ७६ लाख रुपैँयाले बढेको छ भने जगेडाकोष २ करोड ३० लाख रुपैँयाले घटेको छ ।
कम्पनीले पाँच करोड ४९ लाख रुपैँया आयोजनामा लगानी गरेको र ३३ लाख ७५ हजार रुपैँया आयोजनामा खर्च गरेको छ । गत बर्ष यसै अवधिमा उसले चार करोड ५० लाख रुपैँया आयोजनामा लगानी गरी ३० लाख खर्च गरेको थियो ।
हाल कम्पनीसँग १२ करोड ९० लाख रुपैँयाको बैंक मौजात रहेको छ भने २ करोड ९६ लाख रुपैँया प्राप्त गर्न बाँकी तथा दुई करोड तीन लाख रुपैँया तिर्नुपर्ने दायित्व रहेको छ । गत बर्ष १३ करोड ७१ लाख रुपैँयाको बैंक मौजात रहेको थियो भने ९४ लाख ५० हजार प्राप्त गर्न तथा आठ करोड आठ लाख रुपैँया तिर्नुपर्ने रहेको थियो । कम्पनीले जलविद्युत्त विक्रिबाट २ करोड ८४ लाख रुपैँया कमाएको छ भने एक करोड १७ लाख अन्य स्रोतबाट कमाएको छ । गत बर्षको यहि अवधिभन्दा यो रकम एक करोड २२ लाख रुपैँया कम हो । कम्पनीले आठ करोड १५ लाख बोनस बापत छुट्टाएको छ ।
यस अवधिमा कम्पनीको प्रतिशेयर आम्दानी बार्षिक ६.०३ रुपैँया, प्रतिशेयर नेटवर्थ १०३.३५ रुपैँया र मूल्य आम्दानी अनुपात ४१.९८ गुणा रहेको छ । वि सं २०५४ मा स्थापना भएको गुरुप्रसाद न्यौपानेको कम्पनीले पिलुवाखोला जलविद्युत्त आयोजना सञ्चालन गरेको छ । कम्पनीको अन्य भातृसंस्थाहरु अरुण काबेली पावर लिमिटेड,रिडि हाइड्रोपावर, रैर्याङ हाइड्रोपावर,अपि पावर कम्पनी मार्फत समेत जलविद्युत्तमा लगानी गर्दे आएको छ ।