चुक्ता पुँजी एक अर्ब ३२ करोड ४८ लाख ६३ हजार रुपैयाँ रहेको इन्स्योरेन्सले गत आर्थिक वर्षको कमाईबाट लगानीकर्तालाई ३३ प्रतिशत बोनस दिएको थियो । अहिले जगेडा कोषमा भने ३० करोड ९४ लाख रुपैंया सञ्चित 
गरेको इन्स्योरेन्सले शतप्रतिशत हकप्रदको प्रस्ताव साधारण सभाबाट पारित गराईसकेको छ ।
समिक्षा अवधिमा १३ अर्ब नौ करोड बढी रकमको जीवन बीमा कोषलाई बढाएर इन्स्योरेन्सले १५ अर्ब ७८ करोड ८३ लाख २६ हजार रुपैयाँको बनाएको छ । त्यसै गरी महाबिपत्ति कोषमा सात करोड ६० लाख १३ हजार रुपैंया राखेको कम्पनीले दुई अर्ब नौ करोड ४८ लाख ८७ हजार रुपैंया कुल बीमा शुल्क आर्जन गरेको छ ।
७३ करोड ९२ लाख ३४ हजार रुपैंया बराबरको बीमा दाबी भुक्तानी गरी १० करोड चार लाख छ हजार रुपैंया दाबी भुक्तानी गर्न बाँकी रहेको इन्स्योरेन्सको प्रतिसेयर आम्दानी १२ रुपैयाँ ८३ पैसा रहेको छ । समिक्षा अवधिमा दुई करोड ५५ लाख ६८ हजार रुपैंयाको पुनरबीमा कमिशन आय घटेर ३१ लाख ५१ हजार रुपैंयामा खुम्चिएको इन्स्योरेन्सको प्रतिसेयर नेटवर्थ एक सय २९ रुपैयाँ नौ पैसा छ ।
उसको वास्तविक खुद नाफा भने बिमांकीय मूल्यांकनपछि मात्र थाहा पाईने छ ।
