गत बर्षको बोनस समायोजन गर्दा नै प्रति सेयर आम्दानी ५४ रुपैयाँबाट ३९ रुपैयाँमा झरिसकेको अबस्थामा एफपीओ र त्यसपछि शतप्रतिशत बोनस जारी गर्ने उसको हिसाब जोड्दा प्रति सेयर आम्दानी निकै खस्कने देखिन्छ । त्यसलाई सन्तुलन गर्न चालु आर्थिक बर्षको बाँकी अवधिमा कारोबार बढाएर अरु धेरै प्रगति गर्नुपर्ने आबश्यकता छ ।
नोटः रकमलाई करोडमा देखाईएको छ ।
स्टान्डर्ड चार्टर्डका आधारभुत सूचकहरु बलिया रहेको देखिन्छ । निक्षेप संकलनको तुलनामा कर्जा बिस्तार धेरै गर्नु, निस्क्रिय कर्जा घटाएर न्युन बिन्दुमा ल्याउनु, बिदेशी मुद्राको कारोबारबाट हुने आम्दानी खस्कन नदिनु, ३३ प्रतिशत बोनस बाँडेर पनि जगेडा कोष चुक्ता पूँजी भन्दा धेरै हुनु, पूँजी कोष १७ भन्दा माथि रहनु, कोषको लागत १.३१ प्रतिशत मात्र रहनु उसका धेरै राम्रा पक्षहरु हुन् ।
बचत खाताहरुमा एक प्रतिशत हाराहारीमा ब्याज दिईरहेकाले आगामी दिनमा बचतको ब्याज दर बढाउनु परेमा उसको कोषको लागत बढ्ने संभावना हुन्छ । खुद नाफा बढाएर प्रति सेयर आम्दानीमा सन्तुलन कायम गर्न नसकेमा बिदेशी लगानी र ब्राण्डले मात्र उसको सेयर मूल्यलाई थेगिरहला भन्न सकिन्न ।
