नागबेली लघुवित्तले पुस मसान्तसम्ममा एक करोड ६३ लाख रुपैंया खुद नाफा गरेको वित्तीय विबरण निकालेको छ । गत आर्थिक वर्षको सोही अवधिमा उसल एक करोड ५४ लाख रुपैंया खुद नाफा कमाएको थियो । समिक्षा अवधिमा लघुवित्तको कमाई झण्डै १० लाख रुपैंयाले बढेको हो ।
उता गत बर्षको यसै अवधिमा ५८ लाख रुपैँया खुद नाफा कमाएको जनउत्थानले ३१ लाख रुपैंयाले कमाई बढाएर ८९ लाख रुपैँया खुद नाफा कमाएको छ । यस अवधिमा लघुवित्तको निक्षेप र कर्जा लगानी बढेपछि नाफामा सुधार आएको हो ।
नागबेलीको चुक्ता पूँजी चार करोड तथा जगेडाकोष पनि चार करोड ७४ लाख र जनउत्थानको २ करोड ४० लाख चुक्ता पूँजी तथा दुई करोड ७९ लाख रुपैँया जगेडाकोषमा सञ्चित छ ।
नागबेलीको निष्कृय कर्जा अनुपात १.२९ प्रतिशतबाट बढेर २.३२ प्रतिशत पुगेको छ । उता जनउत्थानको ०.८६ प्रतिशतबाट बढेर १.५२ प्रतिशतमा पुगेको छ । नागबेलीको प्रतिशेयर आम्दानी ४० रुपैंया ८० पैसा छ भने जनउत्थानको ८२ रुपैंया रहेको छ ।
