बैंकले पाँच सेयर बराबर एकको अनुपातमा फागुन छ गतेदेखि हकप्रद निष्काशन गर्न लागेको हो । बैंकको हकप्रदमा गत पुस १३ गतेसम्ममा सेयर खरिद गरेका सेयरधनीले मात्र आवेदन गर्न पाउनेछन् । एक अर्ब ५८ करोड रुपैयाँ चुक्ता पूँजी रहेको बैंकले ३१ करोड ६० लाख रुपैंयाको हकप्रद बिक्री गरी पूँजी थप गर्न लागेको हो । बैंकको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ । हकप्रदमा आवेदन दिन सेयरधनीले क्यापिटलको कार्यालय जमल तथा कैलाश विकास बैंकका सबै शाखाहरुमा चैत १० गतेसम्ममा सम्पर्क राख्नु पर्ने हुन्छ ।
बैंकले गत आर्थिक वर्षको कमाईबाट लगानीकर्तालाई २५ प्रतिशत बोनस समेत बितरण गर्ने निर्णय गरिसकेको छ । बोनस पनि पुस १३ गतेसम्ममा नै सेयर किन्ने लगानीकर्ताले मात्र पाउने छन् । हकप्रद निष्काशन तथा बोनस बितरण पश्चात बैंकको चुक्ता पूँजी दुई अर्ब ३० करोडको हाराहारीमा पुग्नेछ ।
