स्याङ्जामा प्रधान कार्यालय रहेको बैंकले यस अवधिमा २२.८७ प्रतिशतले खुद नाफा बढाएर एक करोड ३९ लाख रुपैँया कमाएको छ । पाँच करोड चुक्तापूँजी रहेको कालिकाको जगेडा कोषमा सात करोड ५४ लाख रुपैँया सञ्चित छ ।
बैंकले समिक्षा अवधिमा २५ करोड ५८ लाख निक्षेप संकलन गरि ५३ करोड ७१ लाख रुपैँया कर्जा लगानी गरेको छ । यसबाट बैंकले तीन करोड ३८ लाख रुपैँया खुद ब्याज आम्दानी कमाएको छ भने सञ्चालन नाफा बढेर दुई करोड चार लाख रुपैँया पुगेको छ ।
बैंकको निष्क्रीय कर्जा अनुपात बढेर एक दशमलव ७० प्रतिशतमा पुगेको छ भने पूँजीकोष पर्याप्तता २४.१८ प्रतिशत रहेको छ । प्रतिशेयर नेटवर्थ २५०.९२ रुपैँया, मूल्य आम्दानी अनुपात २९.४५ गुणा तथा तरलता अनुपात १३.४२ प्रतिशत कायम छ ।
बैंकले १० जिल्लामा २४ शाखाबाट वित्तिय सेवा प्रदान गरिरहेको छ ।
