प्राइम लाइफले गत आर्थिक वर्षको यसै अवधिमा छ करोड ८२ लाख ३० हजार रुपैंया खुद नाफा कमाएकोमा यस पटक तीन करोड ६१ लाख ५१ हजार रुपैंया मात्र खुद नाफा कमाएको छ । त्यसै गरी एशियन लाइफले गत आर्थिक वर्षको पुस मसान्तमा एक करोड ५३ लाख ७२ हजार रुपैंया खुद नाफा कमाएकोमा यस पटक दुई करोड आठ लाख ५९ हजार रुपैंया खुद नाफा कमाएको छ ।
४८ करोड ८१ लाख ६० हजार रुपैंया चुक्ता पूँजी रहेको प्राइमले विगत तीन आर्थिक वर्षदेखि साधारण सभा गर्न सकेको छैन । जसका कारण बोनस समेत बितरण नहुँदा उसको जगेडा कोषमा ७३ करोड ७८ लाख २५ हजार रुपैंया सञ्चित रहेको छ । उता ६७ करोड १३ लाख २७ हजार रुपैंया चुक्ता पूँजी रहेको एशियन लाइफले गत आर्थिक वर्षको साधारण सभ ागर्न बाँकी उसको जगेडा कोषमा २९ करोड २० लाख आठ हजार रुपैंया सञ्चित छ ।
प्राइम लाइफको जीवन बीमा कोषमा चार अर्ब १७ करोड ३४ लाख ५६ हजार रुपैंया राखेको छ भने एशियनले आठ अर्ब ८६ करोड ५७ लाख ५६ हजार रुपैंया राखेको छ । प्राइमको महाविपत्ती जगेडा छैन । एशियनको महाविपत्ती जगेडामा तीन करोड १५ हजार रुपैंया सञ्चित छ । प्राइमले ७६ करोड ७४ लाख ६७ हजार रुपैंयाको खुद बीमा शुल्क आर्जन गर्दा एशियनले एक अर्ब एक करोड ७९ लाख छ हजार रुपैंया खुद बीमा शुल्क आर्जन गरेको छ ।
प्राइमले १५ करोड सात लाख ४२ हजार रुपैंयाको खुद बीमा दाबी भुक्तान गर्दा एशियनले जम्मा छ करोड ५३ लाख १९ हजार रुपैंयाको मात्र बीमा दाबी भुक्तानी गरेको छ । अब प्राइमले ५५ वटा दाबीको एक करोड सात लाख ३४ हजार रुपैंया भुक्तानी गर्न बाँकी छ भने एशियनले पनि ६३ वटा दाबीको ९९ लाख ४६ हजार रुपैंया बीमा दाबी भुक्तानी गर्न बाँकी छ ।
प्राइम लाइफको प्रतिसेयर आम्दानी १४ रुपैंया ८१ पैसा कायम हुँदा एशियनको छ रुपैंया १४ पैसा मात्र कायम हुन सकेको छ । प्राइमको प्रतिसेयर नेटवर्थ दुई सय ५१ रुपैंया १४ पैसा पुगेको छ भने एशियनको एक सय ४३ रुपैंया ५० पैसा मात्र छ ।
