चालु आर्थिक बर्षको पुष मसान्तसम्ममा बैंकले १६ करोड ७३ लाख रुपैयाँ खुँद नाफा गरेको छ । गतबर्षको यसै अवधिको तुलनामा बैंकको नाफा १ करोड १० लाख रुपैयाले बढी हो । गत वर्षको सोही अवधिमा बैंकले १५ करोड ६३ लाख रुपैयाँ मुनाफा कमाएको थियो ।
बैंकको चुक्ता पूँजी ४ अर्ब ५८ करोड रुपैयाँ तथा जगेडा कोषमा १ अर्ब ४२ करोड रुपैयाँ छ । बैंकले गत पुस मसान्तसम्ममा ३२ अर्ब ९३ करोड रुपैयाँ निक्षेप संकलन गरेर २९ अर्ब ५० करोड रुपैयाँ कर्जा सापटी प्रवाह गरेको छ भने ६ अर्ब १८ करोड रुपैयाँ लगानी गरेको छ ।
बैंकको खराब कर्जा अनुपात ४ दशमलव ४५ प्रतिशत रहेको छ । बैंकले प्रोभिजनमा ४३ करोड १७ लाख रुपैयाँ राखेको छ भने २६ करोड २७ लाख रुपैयाँ खराब कर्जा उठाएको छ ।
बैंकको कर्जा तथा निक्षेप अनुपात (सीडी रेसियो) ७९ दशमलव ०७ प्रतिशत रहेको छ । बैंकको प्रति सेयर आम्दानी ७ रुपैंयाँ ३२ पैसा रहेको छ भने प्रति सेयर नेटवर्थ १३१ रुपैंयाँ १५ पैसा छ ।
