समिक्षा अवधिसम्म बैंकको निक्षेप एक खर्ब २० अर्ब ८१ करोड रुपैयाँ पुगेको छ । गतबर्षको यस अवधिमा बैंकले एक खर्ब आठ अर्ब ३७ करोड रुपैँयाको निक्षेप संकलन गरेको थियो । यस अवधिमा बैंकले ९० अर्ब ३० करोड कर्जा परिचालन गरेको छ भने ३८ अर्ब बराबरको लगानी गरेको छ । बैंकको गत बर्ष कर्जा परिचालन ६५ अर्ब तथा लगानी ४२ अर्ब ७९ करोड रुपैँया गरेको थियो ।
बैंकले गत बर्षकको यसै अवधिको तुलनामा खुद ब्याज आम्दानी ३८ प्रतिशतले बढाएर दुई अर्ब ६६ करोड ५४ लाख रुपैयाँ नाफा कमाएको छ । बैंकले सञ्चालन नाफामा समेत ३८ प्रतिशतले नै वृद्धि गरि दुई अर्ब ६२ करोड ८४ लाख रुपैँया पुर्याएको हो ।
त्यस्तै विदेशी मुद्राको कारोबारमा पनी अन्य बैंकभन्दा बढि कारोबार गर्ने हुनाले समेत नाफामा बढाउन मदत्त गरेको छ । बैंकसँग २२ अर्ब ८३ करोड रुपैँया बराबरको विदेशी मुद्राको सञ्चिती छ । यसअवधिमा आठ करोड ५६ लाख रुपैँया संभावित जोखिम कोषमा राखेको बैंकले झण्डै एक करोड रुपैयाँ राईट ब्याक गरेको छ ।
बैकको चुक्तापूँजी ३० प्रतिशत बोनपपछि छ अर्ब १८ करोड ३५ लाख रुपैयाँ पुगेको छ । सात अर्ब १५ करोड ७४ लाख रुपैयाँ रहेको बैंकको जगेडाकोष चुक्तापूँजीभन्दा ९७ करोड ३९ लाख रुपैँयाले बढि हो ।
बैंकको खराव कर्जा पनि यो अवधिमा १.७० प्रतिशतबाट घटेर ०.९० प्रतिशतमा आएको छ । बैंकको प्रति शेयर आम्दानी गत बर्ष ५६ रुपैयाँ ९९ पैसा रहेकोबाट ३० प्रतिशत बोनस बाँड्दा पनि ३० पैसा मात्र घटेको छ ।
अन्य सुचकहरुमा प्रतिशेयर नेटवर्थ २१६ रुपैँया, पूँजीकोष अनुपात १२.१८ प्रतिशत, तरलता अनुपात २६.९५ प्रतिशत र मूल्य आम्दानी अनुपात २७.५२ गुणा रहेको छ । मंगलबार शेयरबजारमा बैंकको प्रतिकित्ता शेयर १३५० रुपैयाँ हाराहारिमा कारोबार भैरहेको छ ।