पोखरामा कार्यालय राखेर क्रमशः प्रगति गर्दै राष्ट्रियस्तरको बिकास बैंक हुनु, बर्षेनी पूँजी बृद्धि र सोही अनुपातमा कमाई दर बढाएर लगानीकर्तालाई मनग्ये प्रतिफल दिनु र निस्क्रिय कर्जा निकै तल राखेर विपन्न बर्गमा अधिक कर्जा प्रबाह गर्नु उसको सफलता हो ।
गभर्नर डा. चिरन्जिवि नेपालले मुक्तिनाथको काठमाडौमा सारिएकमे केन्द्रीय कार्यालयको बुधबार औपचारिक रुपमा सुरुवात गरे ।
मुक्तिनाथले नेपालका हालसम्मका सबै गभर्नरलाई सम्मान गरेको छ ।
मुक्तिनाथले २६ प्रतिशत कर्जा विपन्न बर्गमा परिचालन गरेको छ । आकर्षक बोनस सेयर बाँडेर क्रमबद्ध रुपमा पूँजी बढाए अनुसार खुद नाफा पनि बढाउँदै लैजाने प्रयास गर्नु, निस्क्रिय कर्जा अनुपात ०.१८ प्रतिशतमा सिमित राख्नु उसका सकारात्मक पक्ष हुन ।
एक अर्ब ५३ करोड चुक्ता पूँजी रहेको बैंकले चालु आर्थिक बर्षको छ महिनामा २२ करोड कमाएर प्रति सेयर आम्दानी २९ रुपैयाँ कायम गरेको छ । चुक्ता पूँजी दुई अर्ब ५० करोड पुर्याउन उसले ४० प्रतिशत हकप्रद बिक्रीमा ल्याउने प्रस्ताव अगाडि बढाउँदै छ ।
मुक्तिनाथको केन्द्रीय कार्यालय काठमाडौ प्लाजामा रहेको छ । मुक्तिनाथको अहिले ४० शाखा, ८ सिमित बैंकिड. कारोबार गर्ने शाखा र ३९ लघुवित्त डेस्क छन् ।