नोटः रकमलाई करोडमा देखाईएको छ । उसको चुक्ता पूँजी, खुद नाफा र प्रति सेयर आम्दानी देखाईमा मेल खाएको देखिएन ।
बैंकको खराब कर्जाको अनुपात २१० प्रतिशत बढ्नुका साथै खुद नाफा सात करोडमा सिमित भएको छ । बैंकले ६५ करोड रुपैयाँ नोक्सानी ब्यवस्था वापत राख्नुपरेपछि खुद नाफामा ठूलो गिरावट आएको हो । एनसीसीमा गाभिएका चार वटा बिकास बैंक मध्ये केहीको डीडीए गर्दा लुकाईएको खराब कर्जा देखिएपछि बैंकको खुद नाफामा प्रत्याशित गिरावट आएको बुझ्न सकिन्छ । यसबाट पनि एनसीसीको मर्जरमै समस्या रहेको प्रमाणित हुन्छ । यसले मर्जर गरेका सबै बैंकको अबस्था राम्रो हुन्न भन्ने पनि देखिएको छ ।
बैंकले तेस्रो त्रैमाससम्ममा निस्क्रिय कर्जामा सुधार गर्ने प्रतिबद्धता ब्यक्त गरेकाले आशा गर्नुपर्ने ठाउँ छ । एनसीसीमा मिसिएको एपेक्स डेभ्लपमेन्ट बैंकको खराब कर्जा असुलीमा कठाई गर्दै बैंकले बिहीबार नै धेरै धितो लिलामीमा निकालेको छ ।
बिकास बैंकहरुलाई मर्ज गर्दा बचेको स्वापबाट जम्मा भएको रकमले जगेडा कोष बलियो भएको र चुक्ता पूँजी आठ अर्ब पुर्याउन बोनस सेयर दिनुपर्ने बाध्यता रहेकाले लगानीकर्ता निराश भईहाल्नु पर्दैन । बेंकको पूँजी कोष पनि पर्याप्त रहेको देखिन्छ ।
एनसीसीले गत बर्ष ईन्टरनेशनल, एपेक्स, आईडी र सुप्रिम डेभ्लपमेन्ट बैंकलाई गाभेर केही महिना अघिबाट एकीकृत बैंकिड. कारोबार सुरु गरेको हो तर उसको सेयर कारोबार अझै चालु हुन सकेको छैन ।
