चालु आर्थिक वर्षको दोस्रो त्रैमाससम्ममा जेबिल्स फाइनान्सले ८८ लाख रुपैयाँ खुद नाफा गरेको छ । गत आर्थिक वर्षको पुस मसान्तमा फाइनान्सले ३६ लाख रुपैयाँ खुद नाफा गरेको थियो । यस अवधिमा जेबिल्सको चुक्ता पूँजी तीन करोड २१ लाख रुपैँयाबाट बढेर २८ करोड ८९ लाख रुपैयाँ पुगेको छ भने जगेडा कोष दुई करोड १३ लाखबाट बढेर पाँच करोड १४ लाख रुपैयाँ सञ्चित भएको छ ।
पुस मसान्तसम्ममा ९४ करोड ४३ लाख रुपैंया निक्षप संकलन गरेको फाइनान्सले ८९ करोड ३९ लाख रुपैयाँ कर्जा प्रवाह गरेको छ । चालु आर्थिक वर्षको दोस्रो त्रैमासमा तीन करोड १८ लाख रुपैयाँ खुद व्याज आम्दानी गरेको छ ।
फाइनान्सको निष्क्रीय कर्जा अनुपात १.०७ प्रतिशतले बढेर ५.५२ प्रतिशत पुगेको छ । जसको प्रतिशेयर आम्दानी ६.१६ रुपैँया, प्रतिशेयर नेटवर्थ ११७.७९ रुपैँया, र पूँजीकोष ३०.१७ प्रतिशत रहेको छ ।
यता अरुण फाईनाइन्सले गत पुस मसान्तसम्मको ६५ लाख ५९ हजार खुद घाटालाई घटाएर तीन लाख ५६ हजार रुपैँयामा झारेको छ । यस अवधिमा फाईनाइन्सले ६२ लाख घाटा पूर्ति गरेको हो ।
१५ करोड रुपैँया चुक्ता पुँजी रहेको फाईनाइन्सले दश लाख ५५ हजार रुपैँया खुद ब्याज आम्दानी गरेको छ तर कम्पनीको सञ्चालन घाटा भने १० लाख रुपैंया रहेको छ । यस अवधिमा कम्पनीले सात लाख रुपैँयाको खराब कर्जा असुली गरेको छ ।
प्रतिशेयर २४ पैसा घाटामा रहेको कम्पनी समस्याग्रस्त सुचिबाट हालसालै मात्र मुक्त भएकाले कति प्रगति गर्छ भनेर अर्को त्रैमासमा देखिनेछ । हाल फाईनाईन्सलाई अम्बीका पौडेलले नेतृत्व प्रदान गरेका छन् ।
अरुण फाइनान्स समस्याग्रस्तको सूचीबाट हट्यो, ९९ प्रतिशत संस्थापक सेयर हाथवे इन्भेष्टमेण्टले किन्यो