बैंकको साधारण सभाबाट उपयुक्त अन्य संस्थासँग मर्जर वा एक्वीजिशनमा जानका लागि सञ्चालक समितिलाई अख्तियारी दिने प्रस्ताव पनि साधारण सभाबाट पारित भएको छ ।
सभाबाट पारित बोनस माघ २० गते सम्म शेयर किनेका लगानीकर्ताले प्राप्त गर्नेछन् । बोनसबाट चुक्तापूँजीमा २१ करोड रुपैँया थप हुनेछ भने ७० प्रतिशत हकप्रद निष्काशनपश्चात बैंकको पूँजी दुई अर्ब २० करोड रुपैँया हाराहारीमा पुग्नेछ ।
साधारण सभाबाट पारित हकप्रदको प्रस्ताव स्वीकृतिका लागि बैंक धितोपत्र बोर्डमा जानेछ । राष्ट्र बैंकले तोकेको अढाई अर्ब पूँजी पुर्याउन नपुग रकम चालु आर्थिक वर्षको कमाईबाट बोनस बितरण गरेर वा मर्ज/एक्वीजिशनबाट थप्ने योजना बैंकले लिएको छ ।
शुभेच्छा विकास बैंकलाई गाभेको गरिमाको एक अर्ब आठ करोड रुपैँया चुक्ता पूँजी रहेको छ । बैंकले चालु आर्थिक वर्षको दोस्रो त्रैमासमा १५ करोड ९५ लाख ४७ हजार रुपैंया खुद नाफा कमाएर प्रतिशेयर आम्दानी २९ रुपैंया ५३ पैसा कायम गरेको छ ।