१९ करोड ४९ लाख रुपैंया चुक्तापूँजी बराबरको १९ लाख ४९ हजार दुई सय ५० कित्ता हकप्रद निष्काशन गर्नका लागि बैंक धितोपत्र बोर्डमा गएको हो । बैंकको सेयर विक्री प्रबन्धकमा भिबोर क्यापिटल रहेको छ । हकप्रद पश्चात बैंकको चुक्ता पूँजी ३८ करोड ९८ लाख रुपैँया पुग्नेछ । बैंकले २०७४ असार मसान्तसम्ममा केन्द्रिय बैंकले तोकेको पूँजी पुर्याउन अब ११ करोड दुई लाख रुपैँया थप गर्नुपर्नेछ ।
बैंकले चालु आर्थिक बर्षको अर्धबार्षिक अवधिमा तीन करोड ६६ लाख रुपैयाँ खुद नाफा गरि प्रतिसेयर आम्दानी ३७ रुपैयाँ ६१ पैसा कायम गरेको छ । बैंकको जगेडा कोषमा १० करोड चालिस लाख रुपैँयाको सञ्चिति रहेको छ ।
निष्क्रीय कर्जा अनुपात भने शुन्य दशमलव ३७ प्रतिशतमा कायम गर्न बैंक सफल छ । हालसम्म पनि गत आर्थिक बर्षको साधारणसभाको मिति नतोकेको बैंकले आर्थिक बर्ष २०७१/ ७२ को कमाईबाट लगानीकर्तालाई १३ प्रतिशत बोनस प्रदान गरेको थियो ।
