पछिल्ला दिनमा लघुवित्त कम्पनीको साधारण सेयरमा लगानीकर्ताको अधिक चाप पर्दै आएको छ । केही समय अघि नेशनल माइक्रोफाइनान्सले साधारण सेयर निष्काशन गर्दा पनि माइक्रोफाइनान्सको वित्तीय अवस्था हेरेर साधारण सेयर आवेदन गरेका लगानीकर्ता यस पटक लाभांस नपाई चित्त बुझाउनु पर्ने भएको छ ।
माइक्रोफाइनान्सले चैत चार गतेका लागि बोलाएको साधारण सभामा वार्षिक प्रतिवेदन, नाफा नोक्सानको वासलात तथा सञ्चालकको नियुक्ति, लेखा परिक्षकको नियुक्ति र सञ्चालकहरुको भत्ता वृद्धिका प्रस्तावहरु मात्र राखेको छ ।
साधारण सेयर परे पछि तत्कालै माइक्रोफाइनान्सबाट प्रतिफलको आश गरेकाहरुलाई भने माइक्रोफाइनान्सको साधारण सभाको सुचनाले निराश बनाइ दिएको छ । यद्यपी माइक्रोफाइनान्सले गरेको प्रगतिका आधारमा आगामी वर्षहरुमा भने राम्रो प्रतिफल दिन सक्ने आधार बनाएको छ ।
चालु आर्थिक वर्षको दोस्रो त्रैमासमा नै चुक्ता पूँजीको झण्डै ३३ प्रतिशत खुद नाफा गरेको माइक्रोफाइनान्सको जगेडा कोषमा चुक्ता पूँजीभन्दा केही कम रकम सञ्चित भैसकेको छ । १० करोड चुक्ता पूँजी भएको माइक्रोफाइनान्सले गत पुस मसान्तसम्ममा तीन करोड ७७ लाख ९७ हजार रुपैंया खुद नाफा गरी जगेडा कोषको आकार आठ करोड ५९ लाख ३१ हजार रुपैंयाको बनाएको छ ।
अघिल्लो आर्थिक वर्षको यसै अवधिमा लघुवित्तले सात करोड रुपैंया चुक्ता पूँजी हुँदा एक करोड ३८ लाख ५३ हजार रुपैंया खुद नाफा गरी दुई करोड ३४ लाख ८९ हजार रुपैंया जगेडा कोषमा सञ्चित गरेको थियो । उक्त समयमा प्रतिसेयर आम्दानी ३९ रुपैंया ५८ पैसा मात्र रहेको माइक्रोफाइनान्सको प्रतिसेयर आम्दानी यस पटक बढेर ७५ रुपैंया ५९ पैसा पुगेको छ । यसरी माइक्रोफाइनान्सले कमाईमा गरेको बढोत्तरीबाट लगानीकर्ताले आगामी दिनमा राम्रो प्रतिफल पाउन सक्ने आधार देखिन्छ ।
साधारण सेयर निष्काशन पछि नेपाल स्टक एक्सचेञ्जमा कारोबार सुरु भए पनि माइक्रोफाइनान्सको नियमित सेयर कारोबार हुन सकेको छैन । नेप्सेमा अन्तिम पटक माइक्रोफाइनान्सको प्रति कित्ता सेयर पाँच सय ६७ रुपैंयामा किनबेच भएको छ । यहि कारोबार रकमलाई आधार मानेर हेदाए माइक्रो फाइनान्सको मूल्य आम्दानी अनुपात सात दशमलव ५० गुणाले मात्र बढी हो ।
