निक्षेप संकलनको तुलनामा कर्जा लगानी बिस्तार आक्रामक रुपमा गरेपछि अघिकांश बैंकहरुको यस्तो रेसियो ८० प्रतिशत नजिक पुगेको छ । राष्ट्र बैंकले कस्तो कारबाही गर्ने बारेमा भने प्रष्ट पारेन ।
राष्ट्र बैंक ऐनअनुसार ८० प्रतिशत सीसीडी रेसियो पालना नगर्ने बैंक तथा वित्तीय संस्थालाई ती बैंकले लिँदै आएको अधिकतम ब्याजका दरले जरिवाना असुल गर्न सक्ने अधिकार छ ।
राष्ट्र बैंकका अनुसार विभिन्न ६ वटा बैंकहरुको सीसीडी रेसियो ८० प्रतिशत नाघेको छ । दोस्रो त्रैमासको वित्तीय विवरण अनुसार अधिकांस वाणिज्य बैंकहरुको यस्तो रेसियो ७८ देखि ८० प्रतिशतसम्म रहेको छ ।
बैंक तथा वित्तीय संस्थाले यस्तो अनुपात बढीमा ८० प्रतिशत कायम गर्नुपर्ने राष्ट्र बैंकको निर्देशन छ । यसको अर्थ बैंकले १ सय रुपैयाँ निक्षेप संकलन गर्दा बढीमा ८० रुपैयाँसम्म मात्रै कर्जा प्रवाह गर्न पाउँछ । बाँकी २० रुपैयाँ नगद वा तत्काल नगदमा परिवर्तन हुने उपकरणमा राख्नुपर्छ ।
बैंक तथा वित्तीय संस्थाले निक्षेप बढाएर, राष्ट्र बैंकबाट पुनर्कर्जा लिएर, ऋण असुलीलगायत काम गरी सीसीडी रेसियोमा कमी ल्याउन सक्छन् ।