मौद्रिक नीतिको समिक्षा गर्दै राष्ट्र बैंकका गभर्नर डा. चिरञ्जिवी नेपालले बैंक तथा वित्तीय संस्थामा अहिले देखिएको समस्याको जड बैंकहरुबाट सुरु भएको बताएका थिए । सोही सन्दर्भमा सञ्चारकर्मीसँग कुरा गर्दै शाहले बैंकहरुले निक्षेपको अनुपातमा अधिक कर्जा प्रवाह गरेका कारण समस्या आएको स्वीकार गरेका हुन् ।
‘हामीले किन लेण्डिंग बढायौं भन्ने कुरा महत्वपुर्ण छ । आत्मलोचना गरेर अब बढाउँदैनौ भनेका छौं । तर नेपाल सरकारले ल्याएको बजेट खर्च नभएका कारण यो समस्या आएको हो । यदि बजेट खर्च भएको भए यो अवस्था आउने थिएन -’ शाहले भने ।
उनले थपे - ‘बजेट कार्यान्वयन हुँदैन भनेर बैंकले सोही अनुसार काम गरेको भए यस्तो हुने थिएन होला, तर त्यो हाम्रो नैतिकताले दिँदैन थियो । जसले समस्या आयो, अब जसरी कर्जा प्रवाह भएको थियो, त्यसरी नै निक्षेप उठ्छ ।’ बजेट खर्चको क्रम सुरु हुँदै गर्दा अहिलेको अवस्था सामान्य बन्दै जाने उनको तर्क थियो ।