बैंक तथा वित्तीय संस्थाले बचतको ब्याजदर बृद्धि नगर्ने तथा नयाँ मुद्दतीको मात्र ब्याजदर बढाएपछि राष्ट्र बैंकले बचतको ब्याजदर बढाउन नीतिगत व्यवस्थामा परिवर्तन गरेको हो ।
मौद्रिक नीतिको अर्धवार्षिक समीक्षा सार्वजनिक गर्दै राष्ट्र बैंकका गभर्नर डा चिरन्जिवी नेपालले कल डिपोजिटलाई यथार्थ र पारदर्शी बनाउनको लागि कलको भन्दा बचतमा बढी ब्याजदर दिनुपर्ने व्यवस्था गरेको बताए ।
बैंकहरुले मुद्दती खातामा १२ प्रतिशत तथा कल डिपोजिटमा आठ देखि दश प्रतिशतसम्म ब्याज दिर्दै आएका छन भने बचतमा मुस्किलले पाँच छ प्रतिशतसम्म ब्याज दिने गरेका छन् । विशेषगरी बैंक तथा वित्तीय संस्थाहरुले बचत, मुद्दती तथा कल डिपोजिटमा पैसा राख्ने गर्छन्। ।
तरलता अभाव भएपछि कतिपय बैंकले नक्कली कल डिपोजिट पनि खडा गरेका थिए । बैंक तथा वित्तीय संस्थाहरुले व्यक्तिगत तथा संस्थागत दुबै किसिमको माग तथा अल्प सूचनामा आधारित निक्षेप कल डिपोजिट संकलन गरेका थिए ।
