यसअघि बैंकले गत माघ १५ गते विशेष साधारणसभा बोलाएकोमा गणपुरक संख्या नपुगि स्थगित भएको थियो । माघ १७ गते बसेको बैंकको २८५ औं सञ्चालक समितिको बैठकले चैत २१ मा पुन विशेष साधारणसभा बोलाउने निर्णय गरेको हो । पुस २७ गतेसम्म बैंकको सेयरधनी बनेका लगानीकर्ताले साधारणसभामा भाग लिन पाउनेछन् ।
नेपालगञ्जमा प्रधान कार्यालय रहेको बैंकले दुई सय पच्चिस प्रतिशत हकप्रद अर्थात एक कित्ता बराबर दुई दशमलव २५ कित्ता हकप्रद जारी गर्न लागेको हो । हाल बैंकसँग १५ करोड १० लाख रुपैँयाको चुक्ता पूँजी रहेको छ हकप्रद निष्काशन पश्चात बैंकको चुक्ता पूँजी ४९ करोड सात लाख पुग्नेछ । बाँकी ९२ लाख रुपैँया बैंकले बोनसबाट चुक्ता पूँजीमा थप गर्नेछ ।
र्बैकले चालु आर्थिक बर्षको दोस्रो त्रैमासमा ३६ लाख ७३ हजार खुद नाफा कमाएको छ । बैंकले आर्थिक बर्ष २०७१/७२ को नाफाबाट सेयरधनीलाई ११ प्रतिशत बोनस सेयर तथा गत जेठ २ गतेदेखि असार ३० गतेसम्म पचास प्रतिशत हकप्रद बेचेको थियो ।
राष्ट्र बैंकले एक देखि तीन जिल्ला कार्यक्षेत्र भएको विकास बैंकको चुक्ता पूँजी २०७४ असार मसान्तसम्म ५० करोड पुर्याउन निर्देशन गरेको थियो ।