बुटवल पावर कम्पनीले गत आर्थिक बर्षको कमाईबाट प्रदान गरेको २० प्रतिशत नगद लाभांश विहीबारबाट बाँड्न थालेको छ ।  चिलिमे हाईडोपावर कम्पनीले भने आर्थिक बर्ष २०७२/७३ को कमाईबाट प्रदान गरेको १० प्रतिशत नगद लाभांश फागुन १५ गते आईतबारबाट बाँड्ने भएको छ ।

बुटवल पावर कम्पनीको पुस आठ गते सम्पन्न २४ औ साधारणसभाले सेयरधनीलाई २० प्रतिशत नगद लाभांश तथा सात प्रतिशत बोनस सेयर प्रदान गर्ने प्रस्ताव पारित गरेको थियो । कम्पनीको सेयर निष्काशन तथा विक्री प्रबन्धक एनएमबि क्यापिटल नागपोखरी नक्सालबाट लगानीकर्ताले कम्पनीको लाभांस संकलन गर्नु पर्ने हुन्छ ।

कम्पनीले प्रस्ताव गरेको सात प्रतिशत बोनस सेयर भने बार्षिक साधारणसभाका लागि सेयरधनी किताब बन्द हुनुभन्दा अगाडि डिम्याट गराएका सेयरधनीलाई सुचिकृत भएपश्चात र सेयर अभौतिकिकरण नगरेका लगानीकर्तालाई सेयर डिम्याट गराए पश्चात सिधै डिम्याट खातामा पठाउने भएको हो ।

उता चिलिमे हाईडोपावर कम्पनीले आर्थिक बर्ष २०७२/७३ को कमाईबाट प्रदान गरेको १० प्रतिशत नगद लाभांश फागुन १५ गतेबाट बाँड्ने भएको छ । कम्पनीको पुस २९ गते सम्पन्न २० औं बार्षिक साधारणसभाले सो लाभांश प्रस्ताव पारित गरेको थियो ।

जलविद्युत्त कम्पनीले नगरेका सेयरधनीलाई फागुन १५ गतेदेखि चैत ९ गतेसम्म र डिम्याट गरेका सेयरधनीलाई नामको अंग्रजी बर्ण अनुसार चैत १० गतेदेखि १८ गतेसम्म कम्पनीको सेयर विक्री प्रबन्धक नागरिक लगानी कोष नयाँ बानेश्वरबाट उक्त लाभांश बाँड्ने भएको हो ।

दुबै कम्पनीले लाभांश संकलन गर्न आउँदा सेयरधनीले परिचय खुल्ने आधिकारिक परिचयपत्र र मञ्जुरीनामा दिने सेयरधनीले मञ्जुरीनामाका साथै दुबै ब्यक्तिको परिचयसाथ उपस्थित हुन कम्पनीले भनेका हुन् । सेयरकर्जा लिएका लागनीकर्ताले नगद लाभांश फुकुवा सम्बन्धी पत्र समेत राखेर पेश गर्नुपर्ने जनाईएको छ ।