गत आर्थिक वर्षको कमाईबाट ७० प्रतिशत बोनस बितरण गरी चुक्ता पूँजी चार अर्ब ६० करोड ६४ लाख रुपैंया पुर्याएको बैंकले पूँजी वृद्धिका लागि हकप्रद निष्काशन गर्न लागेको हो । हाल कायम पूँजीको ३३ दशमलव ३३ प्रतिशतले हुने एक अर्ब ५३ करोड ३१ लाख रुपैंया बराबरको हकप्रद निष्काशन पश्चात बैंकको चुक्ता पूँजी छ अर्ब १५ करोड रुपैंया पुग्नेछ ।
राष्ट्र बैंकले तोकेको पूँजी पुर्याउनका लागि बैंकले थप डेढ अर्ब रुपैंया बराबरको बोनस बितरण वा अरु कुनै सानो संस्थालाई किनेर पूँजी बढाउनु पर्ने हुन्छ । अहिले बैंकको जगेडा कोषमा चार अर्ब ८७ करोड रुपैंयाभन्दा बढी रकम सञ्चित भएकाले बैंकले बोनस बितरणबाट नै पूँजी आठ अर्ब पुर्याउन सक्छ ।
चालु आर्थिक वर्षको पहिलो त्रैमासमा ७७ रुपैंया १३ पैसा रहेको प्रतिसे्यर आम्दानी भने ७० प्रतिशत बोनस बितरण पश्चात दोस्रो त्रैमासमा आईपुग्दा ४२ रुपैंयामा झरेको छ । गत आर्थिक वर्षको यसै अवधिमा पनि बैंकको प्रतिसेयर आम्दानी ५७ रुपैंया ४८ पैसा थियो । बैंकले पुस मसान्तसम्ममा ९७ करोड रुपैंया खुद नाफा कमाएको थियो ।
