सिटिजन्स बैंकले दशौं वार्षिक साधारण सभावाट पारित निर्णय अनुसार एक करोड ३८ लाख ४३ हजार ३ सय ७९ कित्ता अर्था एक अर्ब ३८ करोड बराबरको हकप्रद सेयर जारी गर्नेछ । चालु आर्थिक वर्षको तेस्रो त्रयमाससम्ममा हकप्रद निष्काशन गरिसक्ने बैंकको योजना छ ।
हाल बैंकको चुक्ता पूंजी ५ अर्व ५३ करोड ७३ लाख ५१ हजार रुपैयाँ रहेकोमा २५ प्रतिशत हकप्रद शेयरको वांडफांड पश्चात बैंकको चुक्ता पूंजी ६ अर्व ९२ करोड १६ लाख ९० हजार पुग्नेछ । चालु आर्थिक बर्षको मुनाफाबाट एक अर्ब बढीको बोनश वितरण गरेर बैंकले ८ अर्ब पूँजी पुर्याउने बैंकको बैंकले गतबर्ष ५५ प्रतिशत हकप्रद बिक्री र ७५ करोड बराबरको बोनस सेयर वितरण गरेको थियो ।
बैंकले हकप्रद बिक्रीका लागि सानिमा क्यापिटल लिमिटेडलाई विक्री प्रवन्धक नियुक्त गरिसकेको छ ।
प्रभु ईन्स्योरेन्सले पनि पायो अनुमति
प्रभु इन्स्योरेन्सले पनि ५० प्रतिशत हकप्रद निष्कासन गर्ने अनुमति धितोपत्र बोर्डबाट पाएको छ । कम्पनीको २१ औ साधारणसभाले ५० प्रतिशत हकप्रद जारी गर्ने प्रस्ताव पारित गरेको थियो ।
कम्पनीले गत बर्षको कमाईबाट १७ प्रतिशत बोनस वितरण गरेको थियो । कम्पनीले बोनस बितरण पश्चात कायम हुने चुक्ता पूँजीको ५० प्रतिशत हकप्रद निष्काशन गर्ने भएको हो । जसअनुसार कम्पनीले १९ लाख २५ हजार ७८ कित्ता हकप्रद सेयर जारी गर्ने भएको छ ।
कम्पनीको बोनस बितरण पश्चात चुक्ता पूँजी ३८ करोड ५० लाख १५ हजार रुपैंया पुगेको छ । हकप्रद निष्काशन गर्दा कम्पनीको चुक्ता पूँजी ५७ करोड ७५ लाख ५२ हजार रुपैंया पुग्नेछ ।
केन्द्रिय कार्यालय सहित १९ शाखा तथा उपशाखाहरु बट बीमा सेवा दिंदै आएको कम्पनीले आगामी दिनमा अरु शाखा बिस्तार गर्दै जाने लक्ष्य लिएको छ ।