बैंकले पचास प्रतिशत अर्थात दुई कित्ता हुनेले एक कित्ताको दरले पाउने गरि ४४ लाख ५ हजार ४ सय ४० दशमलव ३९ कित्ता हकप्रद शेयर जारी गरेको हो ।
बैंकको सेयर निष्काशन तथा विक्रि प्रवन्धक एनआइबीएल क्यापिटल रहेको छ । बैंकको हकप्रदमा पुस १८ गतेसम्म कायम रहेका सेयरधनीले मात्र आवेदन दिन पाउनेछन् । सेयरधनीले क्यापिटलको कार्यालयका साथै देव विकास बैंकको सम्पुर्ण शाखा, नेपाल इन्भेष्टमेन्ट बैंकको पोखरा, विराटनगर र वीरगन्ज शाखा र गुडविल फाइनान्सको नेपालगन्ज र इटहरी शाखाबाट समेत आवेदन दिन सक्ने छन् ।
हाल बैंकको चुक्ता पुँजी ८८ करोड १० लाख रुपैयाँ रहेको छ । हकप्रद निष्काशन पश्चात देवको चुक्ता पुँजी एक अर्ब ३२ करोड रुपैयाँ पुग्नेछ । गतबर्षको कमाईबाट बाँडेको १४ प्रतिशत बोनस समेत गर्दा बैंकको पूँजी करिब एक अर्ब ४५ करोड रुपैयाँ पुग्नेछ ।
बैंकले चालु आर्थिक बर्षको पुष मसान्तसम्मा १४ करोड तीन लाख ७९ हजार रूपैयाँ खुद नाफा कमाएको छ । साथै बैंकले खराब कर्जालाई घटाएर एक दशमलव ७० प्रतिशतमा झारेको छ । यसअवधिमा बैंकले ९ अर्ब रुपैंया निक्षेप संकलन गरेर ८ अर्ब कर्जा प्रवाह गरेको छ ।
